IBRANI 10:20 - Susula Malalaok Hehelu Palak Ma Hehelu Beuk

²⁰ Yesus soi basa eno beuk esa soaneu ita, fo nde enok fo mana fe maso'da ka. Enok ndia tunga tema maloa, fo nde Yesus ao paa na mesa kana.

IBRANI 10:20 ပူးပေါင်းရင်းမြစ်များ

IMAMAT 16:15

Basa ndia soona, Harun muse do'do bi'ihiik soaneu tutunu-hohotuk, fo hataholi Israel-la sala-singon hapu do'o do ampon. Muse neni bi'ihiik ndia daan-na leo Kama Malalao-malalafuk nanseli-a dalek neu, fo ana pisin neu Peti Hehelu-balataak-ka tatanan-na uluk, ma neu Peti uluk, sama leo ana tao basan nenik sapi mane-a, daan-na so.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

IMAMAT 21:23

Hu kande, hataholi ndia lu'u la'ak, de ana ta bole deka no tema lelesu, fo manata'da ba'e Kama Malalao-malalafuk-ka, no mei tunu-hotuk-ka fa. Ana ta bole tao nanggenggeo basa hata-hata fo nanafe hehelik soaneu Au, nanahu Au nde Manetualain-na, de Au nde hele hehelik buas sila-la.”

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

MARKUS 15:38

Temak fo nanalonak nai Manetualain Uman dale a, tatiba'en neu dua neme lain losa dae.

LUKAS 23:45

Tema maloa fo nanalonak nai Manetualain Uman dale a, tati ba'en neu biak dua.

YOHANIS 10:7

Boema Yesus kokolak seluk nae, “Tete'e ka, Au hala-kokolang ia la'en: Au nde manafoo bi'ilopo la.

YOHANIS 10:9

Au nde lelesu a. See masok tunga Au soona, neukose naso'da, boema neu leo dalek neu ma ana leo deak neu fo ana hapu na'a-ninu.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.

IBRANI 9:8

Hu no ito-ato leondia ka, de Manetualain Dula Dale na nafa'da no manga le'dok nae, metema uma lopo ndia uluk bei napadeik nahele nai ndia soona, enok leo Kama Malalao-Malalafu ka dalek neu a, ta nanasoik fa.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 YOHANIS 4:2

Metema emi nau bubuluk, ade Manetualain Dula Dalen ndia do ta soona, eno na leo iak: Metema hataholi esa, ana manaku nae, Yesus Kristus Ana da'di sama leo hataholi daebafa ka de Ana mai leo daebafa ka mai soona, hataholi ndia Dula Dale na neme Manetualain mai ndia.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.