HOSEA 9:6 - Susula Malalaok Hehelu Palak Ma Hehelu Beuk

⁶ Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

HOSEA 9:6 ပူးပေါင်းရင်းမြစ်များ

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

AMSAL 24:31

De au ita ka'da makatema dila-nggauk, ma fii, nai ndia. Pa'a papala nanadaman-na boeo, ndefa henin so.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 19:13

Basa mauli-malanga Zoan, ma Memfis-sala nde been-na, hataholi nggoak-kala. Ala ta hela-nole fa te, nakalenak ala tao latofa-latalak leoinan-nala.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YESAYA 32:13

nana makatemak ma makatema dila-nggauk-ka, ala moli lai Au leoinang-nga daen dale. Hei, kii-makaleleu emi umam fo, hataholi-la mamana namahoko-seteleen-na, ma kota fo, henuk no makalupu-makaseek-ka!

YESAYA 34:13

Uma sosongon-nala ma kota-kotan fo lanuu kota musu, neukose makatema dila nggauk, ma na'u-la, moli lai dalek, ma busa fuik, manupui onta-la, ala leo lai dalek.

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YESAYA 7:23

Nai tepo-lelek ndia, osi angol fo esan-na sele angol huuk lifun esa neu, ma belin-na doi fulak lifun esa, neukose makatema dila-nggauk-ka, moli lai dalek.

YEREMIA 2:16

Hai Israel, hataholi Memfis ma Tahpanhes-sala, nggute heni o langa doom-ma.

YEREMIA 42:22

Hundia de, mafandendelek leona te: nai nusak fo emi mahiik leo mahele ndia, neukose emi mate nai natee-natatik-ka dalek, ado hukande la'a-ndoes-sa do he'di-laus matuaina.”

YEREMIA 44:1

Manetualain kokolak neu au la'eneu basa hataholi Israel fo manale'ok manai Masir-ra, fo nde manai kota Migdol, Tahpanhes, Memfis, ma nggolo-ta'duk manai kona-la.

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 44:13

Sama leo Au huku-doki Yerusalem, leondiak boe neukose Au huku-doki sila fo manaleok manai Masir. Neukose sila mates nai natee-natatik-ka dalek, hukande la'a-ndoes-sa do he'di-laus matuaina.

YEREMIA 46:14

“Yeremia, po'a-benga halak-ka nde ia nai kota-kota Masir-ra, fo nde nai Memfis, Migdol ma Tahpanhes-sa mae, maneneak soaneu makatatakak aoinam-mala, nana basa hata fo emi manuuk-kala neukose nanatao nakalulutuk nai natee-natatik-ka dalek!

YEREMIA 46:19

Mahehele aom laun Masir-rala lemin, soaneu nanafook ma nananook fo la'o! Neukose Memfis da'di ai-batu madodouk, mamanak fo nene-lino-linok nanahu nana leo taak.

YESKIAL 30:13

Manetualain Fo Mademaina, nafa'da nae, “Neukose, Au tao akalulutuk sosongo-tatangok, ma lamatua daebafak fo, manai Memfis-sala. Neukose ta hapu seluk manek, nai Masir fa. Neukose, Au tao-a basa laun-nala lala'en-na, ala bii-lamata'u.

YESKIAL 30:16

de neukose kota ndia, ana doi-doso nanseli, tete'ek-ka, neukose Au hotuheni Masir. Neukose ndefaheni kota Tebe, papala nanadaman-nala, ma neukose faa la'e kota ndia.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

HOSEA 2:6

Hu ndia de, neukose Au longan nenik makatema nggauk, ma kena enon-na nenik pa'a nanadamak.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 7:13

Ala soe, nana ala-la'oela Au so. Neukose lakalulutuk, nanahu ala lena-la'ban basa Au so. Au ahiik soi-tefas, tehu sila makaluku-makatelen neu Au-a, ka'da pepekok mesan.

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 9:3

Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

ZEFANYA 1:11

Kii-makaleleuk nai faik fo emi mamanene dede'ak ndia, hai laun fo manaleo manai kota boboan dae. Nana, basa manadangan-nala, ma hataholi makatotonak doik-kala, nanataonisak so!

SEMUEL SUSULAK-KA ESAN-NA 13:6

Basa boema, ala sapu-la hataholi Israel-la, nalosa lakahapi-la hataholi Israel-la. Hataholi Israel bubuak esa ke'ke nai leak-kala dalek, ma bolo-bolok manai letek-kala, do nai batu piak-kala lelan-nala, do nai oedolu-la dalek ma bolo dae-la dalek,