HOSEA 9:4 - Susula Malalaok Hehelu Palak Ma Hehelu Beuk

⁴ Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

HOSEA 9:4 ပူးပေါင်းရင်းမြစ်များ

KELUARAN 29:40

Bi'ilopo soaneu tutunu-hohotu fafain-na, muse tunu-hotun sama-sama no ha'desopu neulauk kilo 1, ma sese'dok-kana no mina setun isik litel 1. Fe'ek neme ndia mai boe, sese'dok-kana no angol litel 1.

KELUARAN 40:23

boema ana pe'da loti nanasadiak-ka neu mei ndia lain, sama leo hata fo Manetualain paletan neu Musa

YESAYA 57:6

Da'di, emi mandaa, hele makabubua batu talimo'dis-sala leme ndia mai. Fo emi baba'em-ma nde ndia! Emi di'a angol, ma tunu-hotu gandum neu batu sila-la boe. Emi maedaenga, Au amahoko nenik basa sila-la do?

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YEREMIA 6:20

Sosoak hata, sila leni fe Au boomenik neme Syeba mai, do bumbu-bumbu-la leme nusa dook mai? Au daleng-nga ta hii sipo sila tunu-hotun fa. Au ta hii sila tutunu-hohotu nanatunun-na fa.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

YESKIAL 24:22

Boema neukose, emi tao sama leo au taon besak ia boe. Neukose emi ta poti ketu emi mata-panam, do mi'a loti fafaluk-ka fa.

DANIAL 1:8

No Manetualain tutulu-fafalin, de Aspenas sue-lai Danial. Danial naketu basa nai dalen dale soaneu ana ta tao nanggenggeo aoinan-na nenik nana'a-nininu angol maneme uma manek-ka mai fa, hu ndia noke Aspenas fo daenga fen nana'a-nininu fe'ek.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:9

Mopo gandum ma angol-la neme Manetualain Uman dale mai so. Boema imam-imam fo manalilineka lalalau-laoono Manetualain ala falu.

YOEL 2:14

Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

IMAMAT 17:11

Basa mahahaek lala'en-na, maso'dan-na nai daan dale. Hu ndia de, Manetualain paleta, fo ela muse pisi basa daak lala'en-na leo mei tutunu-hohotuk lain neu, fo ela hataholi-a sala-singon nanalose henik. Daak fo nde maso'dak-ka, ana lose heni sala-singok.

IMAMAT 21:17

fo nafa'da Harun dede'ak-kala nde ia nae, “O tititi-nonosim esa lu'u-la'ak soona, ana ta bole tunu-hotu tutunu-hohotu nana'ak soaneu Au fa. Pake paleta ndia losa dodoon-na.

IMAMAT 21:21

Imam Harun-na tititi-nonosin fo lu'u la'ak-ka, ana ta bole tunu-hotu tutunu-hohotu nana'ak fe Au fa.

IMAMAT 21:6

Au nuu heheling ndia, de ta bole tao nanggenggeo Au na'deng-nga fa. Ana tunu-hotu tutunu-hohotu nana'ak soaneu Au, da'di ndia muse malalao-malalafuk.

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

AMOS 5:22

Metema emi meni tutunu-hohotu bana ma tutunu-hohotu gandum soona, neukose Au ta sipo fa. Au ta nau sipo emi bana-manu maaom, fo emi fen neu Au da'dileo tunu-hotu mole-dame fa.

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

BILANGAN 19:11

Hataholi fo, aon-na la'e mamates-sa, nanggenggeo faik hitu dalen-na.

BILANGAN 28:2

nafa'da leoina Israel, nae sila muse taoafik besa-besa, fo ela neu fai-faik fo nananaketu basak-ka, ala tunu-hotu tutunu-hohotuk, nalupa nana'ak fo, nandaa no Manetualain dalen-na.

BILANGAN 4:7

Ala muse bela tema balau biak esa neu mei fo loti tunu-hotuk mamanan-na, soaneu Manetualain, ma nai mei ndia lain, muse ala pe'da pinga maloa, dulang anak soaneu boomenik-ka mamanan-na, dulang anak soaneu tunu-hotuk mamanan-na, ma kete soaneu tunu-hotu angol-la. Loti nanasadiak-ka, muse nahele nai mei ndia lain.

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.