HOSEA 9:3 - Susula Malalaok Hehelu Palak Ma Hehelu Beuk

³ Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

HOSEA 9:3 ပူးပေါင်းရင်းမြစ်များ

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

RATAPAN 5:6

Ami da'di hataholi mananokek nai Masir, ami moke nana'ak nai Asyur.

YESKIAL 4:13

Manetualain nafa'da nae, “Enon-na leondiak, ba'eneu hataholi Israel-la la'a nana'ak fo, Musa hoholo-lalanen kena-ka'in, nai lelek Au tu'u-tapahenis leo nusa dea-la leu.”

DANIAL 1:8

No Manetualain tutulu-fafalin, de Aspenas sue-lai Danial. Danial naketu basa nai dalen dale soaneu ana ta tao nanggenggeo aoinan-na nenik nana'a-nininu angol maneme uma manek-ka mai fa, hu ndia noke Aspenas fo daenga fen nana'a-nininu fe'ek.

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

IMAMAT 18:28

fo ela Ana boso huku emi, ma Ana usi heni emi neme dae ndia mai, sama leo hataholi fo ta lalelak Manetualain-na, ala leo lai naa, te emi beita mai fa.

IMAMAT 20:22

Manetualain nafa'da nae, “Tunga la'iesak Au hoholo-lalaneng ma Au paletang-ngala, fo daenga emi ta nanausihenik neme nusa Kanaan-na mai, fo nai bee, Au o emi leo naa meu.

IMAMAT 25:23

Boso mase'o misa emi daem-ma, nana dae ndia emi nuum ta ndia fa, te Manetualain nuun. Emi ka'da sama leo hataholi manamai, fo Manetualain fe emi loak, soaneu mi'a-pake dae ndia buna-boan.

AMOS 7:17

Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

HATAHOLI 10:14

Tehu Petrus nae, “Ta Lamatuak! Au beita u'a ita hata nanakena ka'ik ma manggenggeok fa.”

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

ULANGAN 28:68

Neukose, Ana fe emi sa'e ofak fo, fali seluk leo Masir meu, leomae Ana nafa'da basa nae, neukose emi ta fali seluk leo naa meu so'on. Neukose, emi mase'o emi aoinam-ma nai naa, soaneu da'di ata neu emi musum-ma, tehu hapu hataholi esa boen, fo ana nau asan-na emi fa.”

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

YOSUA 23:15

Tehu, sama leo Ana tao natetu hehelu balataan lala'en-na, leondiak boe, tao leo bee-o neukose nakalala'ok huhukun lala'en-na soaneu emi.