HOSEA 9:13 - Susula Malalaok Hehelu Palak Ma Hehelu Beuk

¹³ Manetualain, au ita hataholi usi anan-nala, de ala taolisas.

HOSEA 9:13 ပူးပေါင်းရင်းမြစ်များ

AYUB 27:14

Metema, anan makadotok soona, neukose mates nai natee-natatik dale, ma neukose upun-anan, laso'da nai toto'a-tataak-ka dalek.

YEREMIA 7:15

Neukose Au usiheni emi, neme Au matang-nga mai, sama leo Au usiheni emi teidale-bobongim, fo hataholi Israel-la.”

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

RATAPAN 2:22

O ka'i musu fo ami bii-mamata'uk-kala soaneu tao feta-dote dale susue-lalai tak-ka nai ami boboa-kaisum. Ala taolisa la'iesak sila fo ami makabobois ma sue-lais. Nai O fai nasa-melum-ma, ta hapu hataholi esa boen bisa nalai fa.

HOSEA 10:14

soona neukose emi laum-mala lasasale matak loo natee-natatik-ka, ma neukose emi kota musum-mala, nanatao nakalulutuk. Dada'din-na, neukose sama leo nai faik fo mane Salman-na, tao nakalulutuk kota Bet-Arbel-la nai natee-natatik dale, ma ana lolenisa inak-kala sama-sama loo anan-nala.

HOSEA 13:8

Neukose Au sapu-a emi, sama leo meoasu manamopo anak-ka. Neukose Au sisii-lulu'i emi. Neukose Au kaa emi, sama leo singa kaa emi, nai emi mamanam-ma, ma neukose Au sisii-lulu'i emi, sama leo bana makaa-makisuk-ka.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 9:16

Neukose Au huku hataholi Israel-la. Neukse ala da'di sama leo bubu'u-palusa boa taak-ka, ma okan-nala lamatuu so. Neukose ta lanuu anak fa; tehu leomae lanuu anak boe, neukose Au taoisa sila ana susue-lalain sila-la.”

AMOS 7:17

Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”