HOSEA 9:11 - Susula Malalaok Hehelu Palak Ma Hehelu Beuk

¹¹ Neukose Israel matua-mademan ana lapu, fo mopon sama leo manupui-a. Neukose inak-kala ta lailu so'on, fo ta hapu ni'iana nanabongik so'on.

HOSEA 9:11 ပူးပေါင်းရင်းမြစ်များ

KEJADIAN 41:52

Yusuf nafa'da seluk nae, Manetualain fe basa au anak nai au toto'a-tataa taang dalek so, “Boema ana foi ana ka duan-na na'de Efraim.”

KEJADIAN 49:22

Yusuf sama leo keledei ana keledei fuik-ka, deka no oemata, nalaik nai letek-ka huun-na.

2 SEMUEL 6:23

Mikhal, fo Saul anafe'on ndia, manabongi tak nai fai maso'dan-na dalek.

AYUB 18:5

Hataholi mangalauk-ka, banun-na, tao leo bee-o, nanafuu nisak; neukose, ta de'de seluk-kana so'on.

MAZMUR 58:8

Nemen-na fo mopok-kasa sama leo oe fo namasu, sama leo kou-kou isik fo pa'an so.

PENGKHOTBAH 6:3

Leomae hataholi esa anan natun esa, ma naso'da dook-ka, nalosa namalasi, tehu metema ta name'da nita tetu-temak, ma ta latoi-latonom no malolen-na fa, soona tunga au hahapung-nga, ni'iana beuana nanabongi mates-sa, ua-nalen malole lena neme hataholi ndia mai.

YESAYA 17:3

Neukose mopo Israel manamasulu-mahapan, ma mopo Damsyik koasan-na. Hataholi Siria fo bei elak-kala, neukose laso'da lai nakamumulu-nakamamaek-ka dalek, sama leo hataholi Israel-la. Manetualain Fo Manakoasa nde manakokolak-ka.”

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 4:7

Hai imam mala lemin! Emi boetai mamade'uk-ka, de emi boetai tao sala-singok neu Au! Hu ndia de, neukose Au tao asafali emi ha'da-tataom: Neukose emi ta nanafe ha'da-holomatak fa, tehu emi nananakadadaek.

HOSEA 5:9

Neukose, mopo-mate Israel, nana fai huhukun-na, losa so. Hai laun Israel-la lemin, mamanene leona, te tao leo bee o, neukose dede'ak ndia, ana da'di.

HOSEA 9:14

Ade au muse oke beek neme O mai, soaneu hataholi sila-la? Fe inan-nala da'di kalate'dis! Taom-malas, ta lasu'u ana beuanan-nala fa!

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

LUKAS 23:29

Nana fai na neukose ana losa fo hataholi a nafa'da nae, ‘Maua-manalek nanseli ba'eneu inak fo beita lailu lita, ina ana ta kala, ma inak fo beita lasu'u lita ni'iana beuana fa!’

ULANGAN 28:18

Sosoo-susupak ba'eneu emi, nalosa emi anam ka'da lumanak, emi dae-oem, buna boan ka'da faaanak, boema emi sapim ma emi bi'ihii-bi'ilopom boeo, ka'da lumanak.

ULANGAN 33:17

Yusuf be'i-balakain ba'u sapi fuik-ka, be'i-balakain, ma sapi mane fuik-ka susulan ndia nde, hataholi Manasye-la lifu-lifun ma hataholi Efraim-mala, kefin-kefin Ana puka leoinak-kala, ma ana sesetis losa daebafak-ka bu'un-nala.”