HOSEA 9:10 - Susula Malalaok Hehelu Palak Ma Hehelu Beuk

¹⁰ Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

HOSEA 9:10 ပူးပေါင်းရင်းမြစ်များ

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

2RAJA-RAJA 17:11

Sila boeo tunu boomenik, nai basa mei tunu-hotuk-kala, soaneu lamatua daebafak-ka, sama leo ha'da-tataok leoina, fo Manetualain usi henis leme nusa Kanaan-na mai. Ala sene-do'ok neu sosongo-tatangok, leomae Manetualain kena-ka'i basan so. Basa sila tatao-nono'i mangalaun lala'en-na, tao nafo'a Manetualain nasa melun.

MAZMUR 115:8

Ela leo bee-na, hataholi manataok-kala, ua-nalen-nala leondiak ma basa hataholi fo, lamahele neun.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

KIDUNG AGUNG 3:6

Ade ndia fo manamaik neme moo solokaek-ka mai, nalupa leo ha'i masu bubuak-ka do? Boomenin-na sama leo laluteik ma boomenik-ka, ma manadangan-nala badaa kaboomenin-nala.

YESAYA 28:4

Sila kota nananita-nalelak fo, sanga nae mulai mopon ndia, neukose mopok-kana. Ua-nalen, sama leo ai kaa boak, fo beita losa fai namalatun-na, ua-nalen; hataholi nitan tutik-ka, ana seu-nan, fo na'an.

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 24:2

Sapai makasososak-ka ai boa kaak neulauk mesn nai dalek, sama leo ai boa kaak keketu makasososak-ka, tehu sapai kadua ai boa kaak fo kabok mesa-mesan nai dalek, de nalosa ta hapu na'a fan.

YEREMIA 3:24

Sene-do'ok neu Baal, fo sosongo-tatangok maneni bibii-mamaek ndia, taon-na ami mamopo ami anam-mala, boema ami sapim-mala ma ami bi'ilopom-mala, fo nde basa hata lala'en fo, ami bai-ba'i kaim-mala ue elas, neme makahulun eli mai so.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 31:2

Au atu'du Au susue-lalaing neu sila fo mananala deak neme mamates-sa mai nai mook-solokaek-ka. Lelek fo Israel sanga dale manatesa-tamak-ka.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HOSEA 13:5

Au nde anea emi nai dae tokotiik manai moo solokaek-ka.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

HOSEA 4:14

Tehu, neukose Au ta huku sila tatao-nono'in ndia fa, nana emi boeo, meu leo manasosoa-piaok fo lalalau-laoono nai uma sosongok-kala, ma emi basa-basam-mala, tunu-hotu tutunu-hohotuk neu lamatua daebafak-ka. Tete'ek-ka dede'ak ia la'en, nae, ‘Leoina fo ta nanuu malelak la'eneu Manetualain fa, neukose mopo-mates.’

HOSEA 4:18

Linu basa angol bauk-ka, fo ala mafuk soona, ala sosoa-piao no dale namahokok. Ala nau hataholi nakadadaek-kasa, neme fes ha'da-holomata.

AMOS 4:5

Bole tunu-hotu loti fo da'dileo emi moke makasi neu Au, ma bole kokolak dede'a me'i-afek mae emi fe basa tutunu-hohotuk tataman-na so! Tao leo bee o, emi mahiik taok-ka nde ndia!

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

BILANGAN 18:13

Basa sila-la, o nuum. Ba'eneu o teidalem fo, ta manggenggeok fa soona, ana bole na'an.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ULANGAN 32:10

Ana nitas laleu-lalaak nai mamanak nee-nee lino-linok nai moo solokaek-ka. Boema Ana nasulu-nahapas ma nakabobois ma naneas sama leo Ndia pusakan-na.

ULANGAN 32:17

Ala tunu-hotu tutunu-hohotuk fe dula dale mangalauk-kala fo Manetualain ta nde ndia fa, neu lamatua daebafak fo, ala ta lalelak-kana fa, lamatua daebafak beuk fo, sila bei-ba'i kain-nala ta bii-lamata'u fas.

ULANGAN 4:3

Emi mita matam, hata fo emi Manetualaim-ma taon neme Letek Peor-ra so. Hataholi fo manasene-do'ok neu Baal nai mamanak ndia, Ana tao namopo-namates,

HAKIM-HAKIM 6:32

Hu kande Yoas nafa'da nae, “Nemen-na, fo Baal mesak-kana la'ban Gideon, nana ana ofe heni mei tunu-hotun so,” boema mulai neme ndia mai, hataholi-la foi Gideon na'de “Yerubaal.”