HOSEA 9:1 - Susula Malalaok Hehelu Palak Ma Hehelu Beuk

¹ Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!

HOSEA 9:1 ပူးပေါင်းရင်းမြစ်များ

MAZMUR 73:27

Hataholi fo, ana la'oela O-a, neukose ana hapu soe, O tao mamopo-mamate hataholi fo, ana ta lilineka neu O fa.

YESAYA 17:11

Tehu leomae bubu'u-palusa sila-la, lanupu tutik, ma labuna nai faik fo o selen-nana, tehu neukose ta hapu buna-boan fa. Fo hapuk-ka nde ka'da, toto'a-tataak-ka ma name'da he'dis fo, ta hapu mopo fan.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YESKIAL 16:15

Tehu o pake sala, o mata makeem-ma, boema o na'de kaboomenim-ma. Su'di touk see la'ok tunga ndia soona, o sungu moon.

YESKIAL 16:30

Manetualain Fo Mademaina, nafa'da nae, “O tao basa sila-la, sama leo manasosoa-piaok fo, bibii-mamaen ta.

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

YESKIAL 21:10

Fofola namatanen, fo ela ana bisa taonisa hataholi, fofolan fo ela isin-na nangale'do. Ta hapu seluk namahokok ba'eneu Au anang-ngala so'on, nana ala ta taoafik neu basa nasanene'dak ma hoholo-lalanek lala'en-na fa.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 2:12

Neukose, Au tao amate basa ai angol-lala, ma ai kaak-kala, fo tunga ndia soona, ndia ngga'di lau-onon neu basa tou susuen-nala nde ndia. Neukose, Au tao asafali ndia osi angol-la, ma osi ai kaan-na da'di nula; ma neukose bana fuik-kala tao lakalulutuk-kasa.

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

HOSEA 5:7

Ala ta lilineka neu Manetualain fa. Sila anan-nala, Manetualain anan ta sila fa. Hu ndia de, ta dook-ka so'on te, neukose sila nanatao namopo-namatek, sama-sama no tinan-nala.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

AMOS 4:5

Bole tunu-hotu loti fo da'dileo emi moke makasi neu Au, ma bole kokolak dede'a me'i-afek mae emi fe basa tutunu-hohotuk tataman-na so! Tao leo bee o, emi mahiik taok-ka nde ndia!

AMOS 6:13

Emi tui tutui me'i-afek mae, emi sengi Lodebar so. Emi boeo mafa'da mae, “Emi balakaim-ma dai soaneu ho'i falik Karnaim.”

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

YAKOBIS 4:16

Tehu besak ia, emi koao-ndaeao, ma emi tui ka'da dede'a masapepekok. Tutui masapepeko leondia ka, sala ndia.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!