HOSEA 8:7 - Susula Malalaok Hehelu Palak Ma Hehelu Beuk

⁷ Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

HOSEA 8:7 ပူးပေါင်းရင်းမြစ်များ

KEJADIAN 41:23

Boema gandum pulek hitu moli boe te nala-nalak mesan ma lamatuu nanahu anin moo maloa.

2RAJA-RAJA 15:19

Lelek Pul fo Manek Asyur-ra sapu-na Israel, boema Menahem fen lilofulak kilo 34.000 fo ela ana tulu-falin, fo tao natea-nahele Menahem koasan-na neu Israel.

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

AYUB 4:8

Tunga au mata memeteng-nga, soona hataholi manafoi-fala tina mangalauk-ka, fo ana sele-nggali bini-ngges susa-soe-a, da'di leo bubu'u-palusa de'en-na, soona, neukose ana ketu-kolu susa-soe, ma toto'a-tataak-ka!

AMSAL 22:8

Hataholi manasele-nggali peko-pakik-ka, ana ketu-kolu soe-a; mate'en-na, neukose mopok koasan fo, ana ho'i nakeketuk tunga dale hihii mesan-na ndia.

PENGKHOTBAH 5:16

Nai ita fai maso'dan-na dalek, ita tafangganggao nai makahatuk dale, ita susa, ita dalen-na ta tesa-tama fa, tamanasa ma dale he'dik.

YESAYA 17:11

Tehu leomae bubu'u-palusa sila-la, lanupu tutik, ma labuna nai faik fo o selen-nana, tehu neukose ta hapu buna-boan fa. Fo hapuk-ka nde ka'da, toto'a-tataak-ka ma name'da he'dis fo, ta hapu mopo fan.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.

YEREMIA 12:13

Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

HOSEA 2:9

Hu ndia de, nai fai ketu-kolun soona, neukose Au hela falik Au baba'e-babating, fo nde gandum, ma angol, boema Au fen tema wol ma tema a'ba lutu, fo ana pake-nggao.

HOSEA 7:9

Ta lame'da lae, hu ka nde ala da'di esa loo leoina sila-la, de mopo be'i-balakain-nala so. Sila so'da mate'en-na sanga deka ndia so, tehu ala ta bubuluk-kana fa.

HOSEA 9:16

Neukose Au huku hataholi Israel-la. Neukse ala da'di sama leo bubu'u-palusa boa taak-ka, ma okan-nala lamatuu so. Neukose ta lanuu anak fa; tehu leomae lanuu anak boe, neukose Au taoisa sila ana susue-lalain sila-la.”

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

GALATIA 6:7

Manea, fo, hataholi boso ke'di ndiu emi. Ta bole makamiminak Manetualain fa! Hata fo emi sele-nggalin, soona ndia nde emi ketu-kolu nana.

GALATIA 6:8

Metema hataholi sele-nggali tunga ha'da-tatao daebafa ka soona, neukose ana ketu-kolu mamate sa. Tehu metema ana sele-nggali tunga Manetualain Dula Dale na hehela-nonolen soona, neukose ana ketu-kolu so'da matetu ka ma mana ketu basa ta ka, neme Manetualain Dula Dale na mai.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.