HOSEA 8:14 - Susula Malalaok Hehelu Palak Ma Hehelu Beuk

¹⁴ Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

HOSEA 8:14 ပူးပေါင်းရင်းမြစ်များ

1RAJA-RAJA 12:31

Yerobeam boeo napadedeik na mamana huhule-haladoi fe'ek-kala lai letek-kala poin-na, ma ana so'u imam-mala leme teidalek fo ta leo Lewi-la fa.

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

2RAJA-RAJA 18:13

Hizkia, fo manek Yehuda, paleta neu teu ka 14-na boema, Sanherib, fo mane Asyur-ra, sapu-na, Yehuda kota makota musun-nala, de ana sengi.

2TAWARIKH 26:10

Boeo ana napadedeik uma puni madema makota musu-kala lai moo maloa, ma ana kali-na oedolu ba'uk-ka, nanahu bana-manun makadotok nanseli, nau manai lete lepak-kala do manai masadokek manai boboak muli. Hu kande ana tao dalen-na neu tina-osi, de ana pake hataholi manamaue-male'di makadotok, fo ala tao osi angol nai letelepa-kala ma foi-fala dae maoe-maisik-kala.

2TAWARIKH 27:4

Ana napadedeik kota-kota-la nai Yehuda letelepan-na, ma kota musu-la boema uma puni madema-la nai nula-la dalek.

MAZMUR 106:21

Ala lafandele heni Manetualain fo, sila manasoi-manatefan-na, fo manatao basa dede'a matuaina-la leme Masir.

MAZMUR 95:6

Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 29:23

Nana, metema emi mete Au fe emi ni'iana-la, soona neukose emi manaku, mae Au nde Israel Manetualain fo malalao-malalafun-na. Neukose emi fe ha'da-holomata neu Au, ma emi bii-mamata'u neu Au.

YESAYA 42:13

Manetualain tutulumatak, de natee-natati sama leo palani tatibatu esa, sama leo solda'du esa, manggate nanseli natee-natatik-ka. Ana so'uk eeki natee-natatik-ka, ma natu'du balakain-na neu musu non-na.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YESAYA 43:21

Sila nde leoina fo, Au akadada'dik-kasa ba'eneu Au, fo ela, ala hapu tui-benga kokoa-kikiok ba'eneu Au.”

YESAYA 9:10

Manetualain hoka basa sila musun-na fo ala la'ban-nasa so.

YESAYA 9:9

“Uma matuaina fo papala nanadamak batu cetak-kala tu'u leu so, tehu neukose, ami tao uma batu beuk neme batu-a mai. Ai kaak-kala nanalo'o basak so, tehu neukose ami nggatis nenik ai kaiou Libanon neulauk.”

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YEREMIA 23:27

Ala dudu'a lae, neniuk me'i-afek fo sila tuik ndia de, Au anang-ngala lasanggango neu Au salma leo sila bei-ba'i manamaten-nala lasanggango heni Au, de ana sese-do'ok neu Baal-la.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 2:13

Neukose Au hukun, nanahu ana pake fai-faik-kala, soaneu tunu boomenik fe Baal, boema ana balias aoinan-na nenik lilo-henu, fo neu usi tou susuen-nala, boema nafandele heni Au makandondook. Au, Manetualain, kokolak ae leondia.”

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

AMOS 1:10

Hu ndia de, neukose Au haitua ha'i-a leo kota Tirus-sa papala-nanadaman-nala neu, fo na'a heni kota musun-nala.”

AMOS 1:12

Hu ndia de, neukose Au haitua ha'i-a leo kota Teman neu fo na'a heni Bosra kota musun-nala.”

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

AMOS 1:4

hu ndia de, neukose Au haitua ha'i leo Mane Hazael-la uma manen-na neu, ma Au hotu heni Mane Benhadad-ta, kota musun-nala.

AMOS 2:5

Hu ndia de, neukose Au haitua ha'i-a leo Yehuda neu fo na'a heni basa Yerusalem kota musun-nala.”

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.