HOSEA 8:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HOSEA 8:1 ပူးပေါင်းရင်းမြစ်များ

2RAJA-RAJA 18:27

Malanga solda'du manai lain ndia, nataa nae, “Ade, mane Asyur-ra, nadenu au anduku-alosak basa ia-la, ta ka'da neu emi ma emi manem-ma mesak-kana do? Ta! Au boeo kokolak o laun, fo langatuuk nai kota papala nanadaman ndia lain, fo neukose, emi basa-basam-mala, mi'a seluk emi teim-ma, ma minu seluk emi moem-ma.”

YESAYA 18:3

Hai, emi fo manaleo daebafak-ka lemin! Taoafik leona, metema dedeo-la nananasa'ek lai letek-kala poin-na! Mamanene leona, metema pupuk-kala nanapuuk!

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 48:40

Manetualain nafa'da sama, “Leo manupui kaka'ka la'u menik li'da lalapan-na, sama leo ndiak neukose leoina esa mai ma sapu-na Moab.

YEREMIA 49:22

Sama leo manupui kaka'ka la'u nenik li'da lalapan-na, neukose musu mai sapu Bozra sama leondiak. Nai faik ndia soloda'du Edom-mala bii sama leo ina manabongik.”

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

YESKIAL 16:59

Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.

YESKIAL 17:3

Mafa'das mae, Manetualain Fo Mademaina, nafa'da emi nae leo ia: Manupui kaka'ka matuaina esa, bulun-na mana'ahiik, ma li'dan-na maloaina, ma balakain-na seli. Ana laa leo Letek Libanon-na poin-na neu, de ana helu la'di kaiou pe'duk, ndanak esa,

YESKIAL 7:14

Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HOSEA 5:8

Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:15

Puu pupuuk-ka nai Sion, fo Manetualain leten-na, po'a-benga fai oka aok-ka, tao natotongo matuaina.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

HABAKUK 1:8

Ndalan-na nggafan-na lena heni meoasu ma makaa-makisun lena heni busafui kamala'ak-ka. Solda'du manasa'e ndalan-nala, ala mai leme nusa dook-kala mai; mamain-nala sama leo manupui balupua la'u manuana.

ZEFANYA 1:16

Nai fai manalu ndia dalen-na, pupuuk-ka liin-na nananamanenek, ma manamatee-matatik-kala eki bekao, fo lata'ti loo kota-kota makota musuk-kala, ma uma puni madema-la.

ZAKHARIA 11:1

Hai Libanon, soi heni o lelesum-mala leona, fo ela ha'i na'a heni o ai aras-mala!

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.

MATEOS 24:28

Nai bee hapu paa puluk soona, nai ndia hapu manupui mana'a paa pulu kala.”

1 KORINTUS 15:52

Dede'ak ndia neukose ana da'di no kaiboboianak nai hatematak esa dalek, nai lelek fo pupuu ka nanapuuk soaneu mate'e na. Nana nai lelek fo pupuuk ndia lii na nananamanenek soona, neukose hataholi manamate kala nanatao naso'da falik ninik ao paa matea-mahelek, ma ita basa-basa tala neukose nanatao nasafalik.

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.