HOSEA 7:4 - Susula Malalaok Hehelu Palak Ma Hehelu Beuk

⁴ Sila basa-basas manadea-dalek, ma ta manalilinekak-kala fa. Sila dale nakamuu-nakadaun-na, sama leo ha'i nai la'o dale, fo nai lelek manatunu loti-a, beita kame ha'desopun-na fo ana tunun, de ana ta nggengge'u ha'i ndia fa.

HOSEA 7:4 ပူးပေါင်းရင်းမြစ်များ

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

1 KORINTUS 5:6

Ta nandaa emi koao-ndaeao fa. Fafa'kama emi malelak basa dede'a lasi ka nae, “Laluteik faa anak tao na ha'de sopu nanakame ka basa-basan sa'e!”

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.