HOSEA 7:2 - Susula Malalaok Hehelu Palak Ma Hehelu Beuk

² Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

HOSEA 7:2 ပူးပေါင်းရင်းမြစ်များ

AYUB 34:21

Ana nanea besa-besa no, hataholi daebafak-ka so'dan-na, nita basa ei hahain lala'en-na.

MAZMUR 10:11

Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 25:7

Fe do'o do ampon neu sala-singok ma salak fo au taon nai tepo-lelek au muli-solung-nga, mafandendelek au, nandaa no O susue-lalaim ma O dale malolem-ma.

MAZMUR 50:22

Taoafik leona, emi fo mafandele heni Manetualain-na; manea leona, fo boso nalosak Au tao amopo-amate emi, fo ta hapu manasoi-manatefa fa.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

MAZMUR 90:8

O pe'da ami salam-ma, nai O matam, O mita ami sala-singom fo nananafunik-kala.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 44:19

Manatao dodoki-dudulak ndia, ana ta dodoo losa, “Au hotu ai sila-la seli, de au pake kaan-nala soaneu tunu loti, ma dala paa, fo au u'a. Boema, bei ela ai sila-la, au taon da'di dodoki-dudulak. Da'di besak ia, au sene-do'ok neu ai bibiak esa.!”

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

YEREMIA 17:1

Manetualain nafa'da nae, “Hai leoina Yehuda-la lemin, emi sala-singom-mala nanadoki-dula basak nai emi dalem dale, ma nai basa emi mei tunu-hotun-nala bu'un-nala nenik enge besik fo enge-a matan-na nenik poemata mai.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 32:19

O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 44:21

“Ade emi maedaeng-nga Manetualain ta bubuluk do nasanggango heni tutunu-hohotuk fo nanatunu-hotuk neme mei bei ba'ikai manamatem-mala, neme manek-manek-kala ma emi mauli-malangam-mala ma nusak ia laun-nala ma neme emi ia mai boe, nai kota-kota Yehuda ma nai enok-enok Yerusalem fa do?

YESKIAL 21:29

Ninitak fo, emi mitak-ka nde been-na, pepekok, ma emi kokolak dede'a nananafa'da elak-ka boeo, pepekok. Emi, hataholi mangalauk ma malelesik, de emi huhuku mate'em-ma, ana deka so. Neukose, tafaina ndia, ana te'teheni emi lesuha'im-ma.

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 4:9

Boema, neukose emi doi-doso sama-na leo sila! Neukose Au huku emi, nandaa no emi tatao-nono'im-mala.

HOSEA 6:2

Nai faik dua do 3 dalen-na ia, neukose nakahahaik ita, ma neukose ita taso'da nai nasulu-nahapan dale.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

AMOS 8:7

Manetualain, fo leoina Israel-la Manetualain-na, soo-supa basa nae, Neukose Au ta afandele heni sila tatao-nono'i mangalaun-na fa.

YUNUS 1:2

nae, “Muu leo Niniwe fo kota matua ndia muu, fo fen balataak, nanahu Au bubuluk basa laun-nala mangalauk lanseli.”

BILANGAN 32:23

Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

LUKAS 12:2

Ta hapu hata fo nananafuni ka, neukose ta nananitak, ma ta hapu hata fo nanabibila-babaa ka, neukose ta nanaofek fa.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.