HOSEA 7:16 - Susula Malalaok Hehelu Palak Ma Hehelu Beuk

¹⁶ Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

HOSEA 7:16 ပူးပေါင်းရင်းမြစ်များ

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

MAZMUR 12:4

Tao mete'e hala-kokola manafufu'di-oo'dok sila, Manetualain, ko'oketu hataholi bafa maloa-la bafan-nala,

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 52:2

ndek lelek Doëg fo hataholi Edom-ma mai nafa'da Saul, nae Dauk losa nai Ahimelekh uman so.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 73:9

Ala lakamumulu-lakamamaek Manetualain nai nusa so'dak-ka, ma ala kokolak bafa louk, neu hataholi manai daebafak-ka,

MAZMUR 78:37

Ala ta lilineka neu fan, ma ala ta ho'u lahele, hehelu-balataan fa.

MAZMUR 78:57

Ala lalelesi sama leo bei-ba'i kain-nala de ta bisa namahele fas, sama leo kokouk fo, ana peko so.

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YESKIAL 23:32

Manetualain Fo Mademaina nafa'da nae, “O muse minu o ka'am mangoteen-na, isin-na Mangotee ndia, matua ma madema. Isin-na henuk no hakinonolik ma nakamumulu-nakamamaek-ka, fo o muse lu'a-lepan neme basa hataholi lala'en-na mai.

YESKIAL 36:20

Ala lai su'di mamanak bee boe, ala tao langgenggeo Au na'de malalao-malalafung-nga tataas esa. Nana hataholi-la lafa'da lae leo ia, ‘Leoina ia nde been-na, Manetualain anan, tehu ala muse la'oela dae fo, Manetualain fen neu sila.’

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

HOSEA 11:7

ma latea-lahele soaneu la'oela Au. Hu ndia de, neukose nanatuni-ndenik-kala, fo leomae ala nggasi loke tutulu-fafalik boeo, ta hapu hataholi tulu-fali fas.”

HOSEA 6:4

Tehu Manetualain nafa'da nae, “Hai hataholi Israel, ma hataholi Yehuda-la lemin! Au muse tao emi le'e? Emi susuem neu Au-a, mopon no lai-laik, sama leo ko'a makamamasuk-ka, do dinis-sa nai fai fafain-na.

HOSEA 7:13

Ala soe, nana ala-la'oela Au so. Neukose lakalulutuk, nanahu ala lena-la'ban basa Au so. Au ahiik soi-tefas, tehu sila makaluku-makatelen neu Au-a, ka'da pepekok mesan.

HOSEA 9:3

Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

HOSEA 9:4

Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

MALEAKHI 3:13

Manetualain nafa'da nae, “Emi dede'a-kokolam, tete'ek-ka nakamumulu-nakamamaek Au.” “Tehu emi matane mae, ‘Ami kokolak beek la'eneu O?’

MALEAKHI 3:14

Emi mafa'da mae, ‘Sosoa-ndandaan ta la'iesak-kana, sene-do'ok neu Manetualain. Sosoak hata, ita takalala'ok ita bela-ba'un soaneu Manetualain Fo Manakoasa, do tatu'dun tae, ita tasasale dale, neu ita salan-nala so?

MATEOS 12:36

Da'di, mafandendelek te: neu Fai Mate'e ka, hataholi a esa-esak nataa, ndia hala-kokola mangalau nala.

LUKAS 8:13

Bini-ngges fo manatu'da lai mamana mabatuk lai na, nakasasama na nde hataholi fo nai lelek lamanene halak ndia, boema ala sipo kana no dale namahokok. Tehu halak ndia ta nahuu-naoka nai dale nala dalek fa. Ala lamahele ka'da ba'ihanak mesan, de nai lelek soso'ba-susu'di ka ana mai, boema ala fali deak.

YAKOBIS 3:5

Leondiak boe, no ita maa na; leomae ita maa na baba'uana na nde ndia, tehu ana hapu tao na ao paa ka, koao ninik dede'a matua ina la. Dodoo su'di kana dei te, nula matua ina, ha'i na'a henin nana, hu ka nde ka'da ha'i kaa anak esa.

2 PETRUS 2:8

Nai hataholi matak leo sila kala tala'da heon, Lot fo hataholi malole ndia, naso'da no dale na doidoso nanseli, nana tunga faik, ka'da nita ma namanene hataholi sila la, tatao-nono'i mangalau nala.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.