HOSEA 7:14 - Susula Malalaok Hehelu Palak Ma Hehelu Beuk

¹⁴ Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

HOSEA 7:14 ပူးပေါင်းရင်းမြစ်များ

KELUARAN 32:6

Balahaa fafaianak te, hataholi Israel-la leni bana de'ubee soaneu tutunu-hohotu nanatunuk, ma de'ubee seluk soaneu tutunu-hohotu mole-dame. Langatuuk de la'a ma linu mafuk, boema ala fo'a de ala dole dasa.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 52:5

Besak ia, Au ito-ato beek nia ia bai? Hataholi Babel-la, foo emi leondiak mesan. Sila fo, manatuni-ndeni emi-a, ala koao-ndaeao, ma lakadadaek Au lakandondoo henin.

YESAYA 65:14

Te'e-te'e, neukose ala eeki-latadale, tehu emi kii noi-noi.

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

RATAPAN 2:18

Hai papaka nanadamak Yerusalem-mala lemin, maloo bou-bou neu Manetualain! Fe o luuoem-ma tu'da sama leo lee-a ana faa lele'do-le'odaen. Kii makandoo fo boso hahae losa o aom-ma sota-mangu!

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HOSEA 3:1

Manetualain nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

HOSEA 8:2

Leomae loke Au lae sila Manetualain-na, ma lafa'da lae sila nde been-na, Au anang fo lalelak Au,

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

ZAKHARIA 7:5

nae, “Mafa'da basa laun manai nusak ia lala'en-na, ma basa imam mala, mae okaok ma kii-makaleleuk fo sila taon nai hataholi Yahudi-la bula ka 5 ma bula ka hitun-na, nai teuk hituhulu dalen-na ia, ta neni ha'da-holomata ba'eneu Au fa.

ROMA 16:18

Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!

HAKIM-HAKIM 9:27

Leu seu angol nai osi angol-la, boema ala nasu angol, fo ala tao feta. La'a-linu nai sila lamatua daebafan-na, mamana sosongon-na, boema ala soo-supa Abimelekh lae,