HOSEA 7:11 - Susula Malalaok Hehelu Palak Ma Hehelu Beuk

¹¹ Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 7:11 ပူးပေါင်းရင်းမြစ်များ

2RAJA-RAJA 15:19

Lelek Pul fo Manek Asyur-ra sapu-na Israel, boema Menahem fen lilofulak kilo 34.000 fo ela ana tulu-falin, fo tao natea-nahele Menahem koasan-na neu Israel.

2RAJA-RAJA 16:7

Ahas nadenu hataholi neu leo Tiglat-Pileser, fo mane Asyur-ra neu, fo nini hala heheluk-ka nde ia: “Au ia, o atam fo manalilinekak; hu ndia de, au dokodoe fo, mai leon-na, fo soi-mala au, neme mane Siria, ma mane Israel-la, te besak ia, ala sapu-la au.”

AMSAL 15:32

Hataholi fo, ana ta nau nanoli-nafa'da fan-na, ta fe ha'da-holomata neu aoinan-na fa; tehu hataholi fo, ana sipo kekena-kaka'ik-ka, ana da'di hataholi dale malole.

AMSAL 17:16

Palsuma la'iesak-kana, hataholi dudu'a-aafi taak-ka nabasa tali-doin soaneu sanga manatee-tenok-ka, nana dudu'a-aafin ta neulauk fa.

AMSAL 6:32

Tehu tao leobeek neu hataholi touk manahohongek-ka? Ana tao nalutu ndia aoinan-na mesak-kana! Ndia nggoan-na seli!

YEREMIA 2:18

Nanalak hata, o muu leo Masir muu? Fo sanga minu Lee Nil-la oen-na? Nanalak hata, o muu leo Asyur muu? Fo sanga minu Lee Efrat-ta oen-na?

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 4:11

Manetualain nafa'da nae, “Hai, Au anang-ngala lemin, nau angol palaak do angol beuk boe, ana tao namopo emi dudu'a-aafi neulaum-ma so.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 9:3

Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

OBAJA 1:7

O nonoom manalook o-a, ala ke'di-ndiu o, de ala usi heni o neme o nusam-ma mai. O tia-laim-mala sengi o, ma hataholi manala'a lakabubua loo o-a, lakahihi'ik-la o. Ala beetane la'eneu o lae, ‘Besak ia, malelan lala'en-na nai bee?’

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.