HOSEA 6:8 - Susula Malalaok Hehelu Palak Ma Hehelu Beuk

⁸ Gilead nde been-na, kota fo henuk no hataholi manatao tatao-nono'i mangalauk, ma mado'do-mapauk-ka.

HOSEA 6:8 ပူးပေါင်းရင်းမြစ်များ

2 SEMUEL 20:8

Lelek ala losa batu matuaina esa nai Gibeon boema Amasa mai natongo nos. Nai lelek ndia, Yoab pake bua papake natee-natatik, ma ana pa'a tafainan-na no mamanan nai tala'dan-na. Lelek ana la'ok tutulumatak boema, tu'da heni tafaina ndia mamanan-na, de tafaina isin-na koluk leo lima kiin-na neu.

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

1RAJA-RAJA 2:5

Bei hapu dede'ak esa seluk! Tao leo bee o, o mafandendelek hata fo Yoab tao-no'in neu au nenik ana taonisa Israel malanga solda'du matuainan dua, fo nde Abner fo Ner anan-na ma Amasa fo Yeter anan-na. Ana taonisas nai lelek mole-dame soaneu balas kanisak fo ala taon nai lelek natee-natatik-ka. Ana taonisa hataholi sala taa ka, tehu besak ia au nde muse lu'a-lepa tatao-nono'in ma au nde manadoi-dosok-ka.

MAZMUR 10:8

Ana keke nai nggolo-nggolok-kala fo ana sanga taonisa, hataholi sala tak-kala. Ana nahani nai makatemak dale, sama leo singa ana maku hataholi tapandoes-sa. Ana natababan-na, hataholi nuu ta-hata tak-ka, nai mamana nees-sala, fo ana ko'bon-na, boema ana lele'a-loloson.

MAZMUR 141:4

Madook au, neme hihii-nanauk fo tao tatao-nono'i mangalauk-ka mai. Boso po'ilotak au, fo au akabubua o hataholi malelesik-ka ma au u'a sama-sama os, nai sila feta-doten.

MAZMUR 59:2

Ou au Manetualaing-nga, soi-tefa-ma au neme au musung-ngala mai, masulu-mahapa au neme hataholi fo manasapu-la au-a.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

HOSEA 12:11

Au kokolak basa o nabi la so, ma Au fes ninitak ba'uk-ka. Tunga nabi sila-la, nde Au afa'da Au dale tutu'ung-nga neu emi, fo Au anang-ngala,

HOSEA 12:12

tehu leomae leondiak boe, bei hapu hataholi sene-do'ok neu sosongo-tatangok manai Gilead, ma ala tunu-hotu sapi nai mei tunu-hotuk lain nai Gilgal. Tehu, neukose mate sila-sila fo manasene-do'ok neu sosongo-tatangok ndia, ma neukose, mei tunu-hotuk manai Gilgal sila-la, ala da'di batu madodouk nai tina-la dalek.”

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

HATAHOLI 25:3

fo ela no dale malole na, ana nau nadenu hataholi lo Paulus leo Yerusalem neu, nana lalahalak basa fo sanga taolisan nai eno tala'dak.