HOSEA 6:7 - Susula Malalaok Hehelu Palak Ma Hehelu Beuk

⁷ Tehu sama leo nai dae Adam-ma, emi malelesi emi hehelu-balatam moo Au-a.

HOSEA 6:7 ပူးပေါင်းရင်းမြစ်များ

KEJADIAN 3:11

Manetualain natane nae, “See nde nafa'da o, nae o makaholak? Ade, o mu'a ai, fo Au kena-ka'i o mu'an ndia so hetu?”

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

AYUB 31:33

Hataholi fe'ek-ka, nafuni sala-singon, tehu beita la'i esa fo, au tao sama leo sila tataon ndia fa.

YESAYA 24:16

Nakamee kokoa-kikiok soaneu Israel fo, leoina manatunga paleta, nananamanenek neme daebafak-ka bu'un-na mai. Tehu soe ba'eneu au! Au aong-nga ta napena fa. Malelesik-ka, bei nalelesi nakandoo, nakalenak ala boetai lalelesik-ka.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YEREMIA 3:7

Au aedaenga, lelek ana tao basa sila-la soona, neukose ana fali ma'in leo Au mai, te hu ana ta fali ma'i fan, te se'kona neu sosoa-piao. Hu ndia de, Au asi'da on, de Au usi henin. Yehuda, fo Israel tolanon, fo manalilineka taak ndia, nita basa sila-la, tehu ana ta bii-namata'u fa. Lena-lenak, ana da'di manasosoa-piaok,

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YEREMIA 5:11

Hataholi Israel-la, ma hataholi Yehuda-la, te'e-te'e ala ke'di-ndiu basa Au so. Au, fo Manetualain nde manakokolak-ka.”

HOSEA 5:7

Ala ta lilineka neu Manetualain fa. Sila anan-nala, Manetualain anan ta sila fa. Hu ndia de, ta dook-ka so'on te, neukose sila nanatao namopo-namatek, sama-sama no tinan-nala.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

ROMA 5:14

Tehu neme Adam tepo lele na losa Musa tepo lele na, mamate sa koasa na basa hataholi daebafa ka lala'ena so. Leomae hataholi fo ala ta tao sala-singok sama leo Adam tao sala-singo ka fa, tehu mamate sa ana koasa na hataholi sila boe. Hataholi manamai makabui ka salao na nde Adam

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

IBRANI 8:9

Ta sama leo hehelu balataak fo Au taon no sila bei ba'i kai nala, nai lelek fo Au hela-noles kalua leme nusa Masi ra mai. Ala ta lilineka neu hehelu-balataak fo Au taon no sila fa; hu ka nde ndia de, Au ta afaduli fas.