HOSEA 6:6 - Susula Malalaok Hehelu Palak Ma Hehelu Beuk

⁶ Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

HOSEA 6:6 ပူးပေါင်းရင်းမြစ်များ

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 50:8

Te hu kande emi tutunu-hohotum fa de Au kalaak emi; emi tutunu-hohotu nanatunum-ma, nai Au matang-nga tataas esa.

AMSAL 21:3

Tatao-nono'i ndoos ma matetuk-ka, nandaa no Manetualain dalen-na, lena heni tunu-hotuk-ka

PENGKHOTBAH 5:1

Dodoo makahuluk besak-ka kokolak, ma boso no lai-laik maheluk moo Manetualain. Manetualain nai nusa so'dak-ka ma o nai daebafak-ka, da'di kila-uku o hala-kokolam.

YESAYA 1:11

Manetualain nafa'da nae, “Emi maedaenga, Au ahiik basa tutunu-hohotuk fo emi tunu-hotu makandondoo henin fe Au sila-la do? Au malua emi tutunu-hohotu nanatunu bi'ilopom-ma, ma emi sapianam-mala minan-na. Au ta ahiik emi sapi manem, bi'ilopo ma bi'ihiim-mala daan-na fa.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

YEREMIA 7:22

Lelek Au o emi bei-ba'i kaim-mala, kalua leme Masir mai-a, Au ta fes nakanenetek la'eneu tutunu-hohotu nanatunuk, do tutunu-hohotu fe'e-fe'ek-kala fa.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

AMOS 5:21

Manetualain nafa'da nae, “Au ta hii, ma malua mete emi agama-ma fai malolen-nala!

MIKHA 6:6

Ade, hata fo ita muse tunu-hotu fen neu Manetualain, fo Manetualain manai nusa so'dak-ka, metema ita mai sene-do'ok neun? Ade, ita muse teni sapiana malole soaneu nanatunu-hotuk da'dileo tutunu-hohotu nanatunuk soaneun do?

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

MATEOS 12:7

Nai Susula Malalaok dale nanasulak nae: Au hihii ka nde, susue-lalai ka, te Au ta hii bana tutunu-hohotuk fa. Metema tete'e ka emi bubuluk dede'ak ndia soona, neukose emi ta fe salak neu hataholi sala ta kala fa.

MATEOS 5:7

Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

MARKUS 12:33

Hu ndia de, hataholi daebafa ka muse sue-lai Manetualain ninik dale katematua na, ma ninik basa dudu'a-aafin ma ninik basa be'ibalakain lala'ena. Ma ana muse sue-lai nonoo hataholi na sama leo ana sue-lai aoina na boe. Ndia nde malole lenak neme fe tutunu-hohotu bana manu ma tutunu-hohotu fe'ek neu Manetualai na.”

1 YOHANIS 2:3

Metema ita tuga Manetualain paleta na soona, ndia nafa'da nae, ita talelak Manetualain.

1 YOHANIS 3:6

Basa hataholi fo laso'da lo Kristu sa, ala ta bole tao sala-singok lakandondoo henin fa. Nana hataholi mana tao sala-singo lakandondoo heni kala, beita lita do lalelak Kristus fa.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.