HOSEA 5:8 - Susula Malalaok Hehelu Palak Ma Hehelu Beuk

⁸ Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

HOSEA 5:8 ပူးပေါင်းရင်းမြစ်များ

2 SEMUEL 21:6

Hu ndia de, fe touk hitu neme tititi-nonosin mai, fo ela ami lonas nai Manetualain matan nai Gibea, fo Mane Saul-la kotan-na.” Manek-ka nataa nae, “Hei, neukose au fes leo emi neu.”

1RAJA-RAJA 12:29

Boema Yerobeam pe'da sapi lilopilas sila-la, esa nai kota Betel, ma esa nai kota Dan.

YESAYA 10:29

Ala seli lelenak-ka so, de ala sungu nai Geba! Kota Rama laun-nala dele betoo, ma laun manai kota Gibea, Mane Saul-la kotan-na, lalai so.

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:15

Puu pupuuk-ka nai Sion, fo Manetualain leten-na, po'a-benga fai oka aok-ka, tao natotongo matuaina.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

YOSUA 7:2

Nai lelek ndia, Yosua nadenu hataholi de'ubee, leme Yerikho leo Ai leu, fo kota esa nai Betel boboan dulu, deka no Bet-Awen. Ladenu hataholi sila leu palisak lutu-lutuk nusak ndia. Lakalala'ok basa sila bela-ba'un ndia boema,

HAKIM-HAKIM 5:14

Ala la'ok leme Efraim leo bafak-ka leu, ala tunga Benyamin solda'dun, fo ala la'ok lakadadalak nai sila matan-na. Basa malanga solda'du matuaina-la, ala mai leme Makhir mai, ma basa malanga solda'du matuaina-la, ala fo'a leme Zebulon mai

SEMUEL SUSULAK-KA ESAN-NA 15:34

Basa ndia boema, Semuel neu leo Rama neu, ma Manek Saul-la fali leo uman-na, nai Gibea.

SEMUEL SUSULAK-KA ESAN-NA 7:17

Basa soona, ana fali leo uman-na nai Rama. Nai naa, ana da'di hataholi Israel-la mauli-malangan, ma napadedeik mei tunu-hotuk esa, ba'eneu Manetualain boe.

SEMUEL SUSULAK-KA ESAN-NA 8:4

Hu ndia de, basa mauli-malangan Israel-la lakabubua, boema leu latongo lo Semuel nai Rama,