HOSEA 5:6 - Susula Malalaok Hehelu Palak Ma Hehelu Beuk

⁶ Leu sanga Manetualain nenik leni bi'ilopo ma sapi soaneu tutunu-hohotuk, tehu basa sila-la, sosoa-ndandaan ta. Nana Manetualain Ana la'oelas so, de ala ta hapu latongo loo fan.

HOSEA 5:6 ပူးပေါင်းရင်းမြစ်များ

KELUARAN 10:9

Musa nataa nae, “Ami basa-basam-mala, nau mulik do lasik boe. Neukose, ami moo la'iesak ami anam-mala, ami sapim-mala, ami bi'ilopom-mala, ma ami bi'ihiim-mala, nana ami muse tao fai malole matua esa, soaneu fe ha'da-holomata neu Manetualain.”

AMSAL 1:28

Nai lelek ndia, neukose emi maloo au, tehu neukose, au ta ataa fa. Neukose emi sanga au nai basa mamanak lala'ena, tehu emi ta matongo moo au fa.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 21:27

Manetualain nape'da dale nasak, hataholi malelesik-ka tunu-hotun fa, nakalenak, metema ana tunu-hotu no muu-dauk.

KIDUNG AGUNG 5:6

Au soi fe au touana susueng-nga lelesu-a, tehu ana lepos de ana la'o so. Au ahiik anseli no halan-na; au sangan, tehu manada'di tak. Au aloo na'den-na, tehu ta nataa fa.

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

RATAPAN 3:44

O nasa-melum sama leo ko'as makateina nanseli nalosa ami huhule-haladoim ta hapu tola fan.

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 8:6

Boema, Manetualain nafa'da au nae, “Hai hataholi daebafak fo, manasapu-manalalok-konei, O mita beek ana da'di so? Taoafik neu hataholi Israel-la, ala tao tatao-nono'i nanamaluak-ka, fo ela Au dook-ka eme Au Umang-nga mai! Mai fo, Au atu'du o, tatao-nono'ik-kala, ta kandaak lena seluk bai.”

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

AMOS 8:12

Neukose hataholi-a naleu-nalaak neme kii leo kona ma neme dulu leo muli neu, fo ana sanga Au hala dede'a-kokolang, tehu ala ta hapu fan.

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

LUKAS 5:16

Basa ndia boema Yesus neu hule-haladoi nai mamana nees esa.

YOHANIS 7:34

Neukose emi sanga Au, tehu emi ta hapu matongo mo Au so'on. Nanahu emi ta hapu meu leo mamanak ndia meu fa.”