HOSEA 5:3 - Susula Malalaok Hehelu Palak Ma Hehelu Beuk

³ Hai Israel, Au bubuluk basa hata lala'en-na la'eneu emi! O ta bisa mafuni-mala hata esa boen, neme Au mai fa. O sene-do'ok neu sosongo-tatangok, ma o ta lilineka neu Au so'on. Hu ndia de, o laum-mala, ta landaa sene-do'ok seluk neu Au so'on.”

HOSEA 5:3 ပူးပေါင်းရင်းမြစ်များ

YESAYA 7:16

Nana faik ndia beita losa fa, te o bii-mamata'u neu mane-manek fo manapaleta nusa ka duak-kala, neukose nanala'o elak da'di nusa louk.

YESAYA 7:17

Neukose Manetualain fe mane Asyur-ra mai, fo o ma basa o teidalem-mala, boema o laum-mala, neukose lame'da lita fai-faik fo henuk no hahae makase'ek fo lena henin, neme hata fo emi mame'da hain, ndek lelek heaba'e nusa Israel-la ma nusa Yehuda.

YESAYA 7:5

Siria tao nakabua makahatuk basa no Israel no manen-na so.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 13:1

Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.

HOSEA 13:5

Au nde anea emi nai dae tokotiik manai moo solokaek-ka.

HOSEA 5:11

Israel nanatuni-ndenik, de ta nanuu dae baba'en-na fa, nanahu ka'da nangatuuk nau-nau, fo noke tutulu-fafalik neu hata fo tunga ndoon-na, ana ta bisa tulu-fali fan.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 5:9

Neukose, mopo-mate Israel, nana fai huhukun-na, losa so. Hai laun Israel-la lemin, mamanene leona, te tao leo bee o, neukose dede'ak ndia, ana da'di.

HOSEA 6:10

Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

HOSEA 6:4

Tehu Manetualain nafa'da nae, “Hai hataholi Israel, ma hataholi Yehuda-la lemin! Au muse tao emi le'e? Emi susuem neu Au-a, mopon no lai-laik, sama leo ko'a makamamasuk-ka, do dinis-sa nai fai fafain-na.

HOSEA 8:11

Hataholi Israel-la, boetai lafofo'a mei tunu-hotuk ba'uk-ka, soaneu lose heni sala-singok-ka, tehu boetai hapu mamanak ba'uk-ka, soaneu tao sala-singok!

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

AMOS 5:12

Au bubuluk emi mangalaum-ma ba'un-na seli, ma emi sala-singom ba'un-na seli. Emi tuni-ndeni hataholi malole-a; emi mi'a solok ma emi po'ilotak ala tao hataholi nuu-taa hata-taak-ka ta no ndoos ma matetuk nai manakee-manafula matan.

ULANGAN 33:17

Yusuf be'i-balakain ba'u sapi fuik-ka, be'i-balakain, ma sapi mane fuik-ka susulan ndia nde, hataholi Manasye-la lifu-lifun ma hataholi Efraim-mala, kefin-kefin Ana puka leoinak-kala, ma ana sesetis losa daebafak-ka bu'un-nala.”

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

NINITAK 3:15

Au bubuluk hata fo emi tao-no'in: Au bubuluk emi ta makasufuk ma ta makato'bik boen. Tunga ndo na emi da'di dede'a kaduak sila la esa!