HOSEA 5:15 - Susula Malalaok Hehelu Palak Ma Hehelu Beuk

¹⁵ Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 5:15 ပူးပေါင်းရင်းမြစ်များ

KEJADIAN 42:21

Boema sila esa kokolak no esa nae, “Naa, besak ia, ita nanahukuk, hu kande makahulun-na ita tao salak neu ita fa'din-na; ana noke tutulu-fafalik, tehu ita ta nau taoafik neu fan, leomae ita tita tae ana doidoso nanseli. Hu ndia de, besak ia, ita tame'da tita doidosok ia.”

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

MAZMUR 107:13

Nai sila susan-na dalek, ala laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 107:19

Nai susa dalek, ala laloo bou-bou neu Manetualain de Ana soi-po'is, leme makase'ek-ka dalek mai.

MAZMUR 107:28

Nai sila susan-na dalek, laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 107:6

Nai sila susan-na dalek, ala laloo bou-bou neu Manetualain, de Ana soi-po'is, leme makase'ek-ka dalek mai.

MAZMUR 132:14

Nafa'da nae, “Au mamana leleong-nga nai ia, losa dodoon-na Au hii paleta nai mamanak ia.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 78:34

Metema, Manetualain taonisa, hataholi de'ubee nai sila dalek soona, fe'ek-kala lasasale dale, fo ala fali ma'is leo Manetualain mai.

MAZMUR 83:16

Usis menik O ani matuainam-ma, tao manggengek-kasa menik O ani-sangum.

AMSAL 8:17

Au sue lai sila fo lahik neu au; manasanga au-a, neukose latongo lo au.

YESAYA 18:4

Manetualain nafa'da au nae, “Neme Au mamana leleong manai poin-na, neukose Au mete leo dae neu no nee-nee lino-linok ma neuanak, fo neuanan-na sama leo dinis fo ana da'di nai le'odae mato'bik-ka nai fai ketu-kolun-na, ma neun-na sama leo le'do-a haan-na nai fai lele'don-na.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YESAYA 26:9

Au samaneng-nga, nahiik natongo O tataas esa, nai fai le'odaen, ma no dalek-katema tuak, au sanga O nai fai fafain-na. Mahani te, metema O maketu-mala'di daebafak-ka soona, neukose laun manai daebafak-ka, ala bubuluk hata fo ndoos-sa.

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

RATAPAN 3:40

Malole lenak ita palisak matalolole ita so'dan-na fo fali leo Manetualain nai nusa so'dak-ka Mai fo ata soi heni ita dalen-na, fo hule-haladoi tae,

YESKIAL 10:4

Manetualain mandela-masa'san, nandela neme mahahaek sila-la mai, fo ana da'di ta'du-tana la'eneu Manetualain mamain-na, ana lali leo lelesu masok leo Manetualain Uman-na neu, nalosa uma so'dan-na mangale'dok.

YESKIAL 11:23

Basa boema, mandela-masa'ak ndia, ana la'oela Yerusalem, de ana lali leo letek manai kota ndia boboan dulu.

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YESKIAL 8:6

Boema, Manetualain nafa'da au nae, “Hai hataholi daebafak fo, manasapu-manalalok-konei, O mita beek ana da'di so? Taoafik neu hataholi Israel-la, ala tao tatao-nono'i nanamaluak-ka, fo ela Au dook-ka eme Au Umang-nga mai! Mai fo, Au atu'du o, tatao-nono'ik-kala, ta kandaak lena seluk bai.”

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

HOSEA 5:6

Leu sanga Manetualain nenik leni bi'ilopo ma sapi soaneu tutunu-hohotuk, tehu basa sila-la, sosoa-ndandaan ta. Nana Manetualain Ana la'oelas so, de ala ta hapu latongo loo fan.

MIKHA 1:3

Ana kona neme mamana leleo malalao-malalafun mai de Ana la'ok nai lete-letek manai daebafak-ka poin-na.

BILANGAN 21:7

Boema leoina ndia neu leo Musa neu, de nafa'da nae, “Ami masala-masingo basa so, nanahu ami bemumu moo Manetualain ma o boe. Hule-haladoi neu Manetualain, fo ela nadenu menge ia-la, dook-ka leme ami mai.” Boema Musa hule-haladoi fe leoina ndia.

LUKAS 13:25

Nai lelek uma lamatuak fo'a napadeik de ana kena lelesu na, ndia te emi mapadeik nai deak de emi dedelu lelesu a, boema emi mafa'dan mae, ‘Tuan, soi fe ami lelesu leona!’ Soona neukose Tuan ndia nataa nae, ‘Au ta bubuluk emi meme bee mai fa!’

HAKIM-HAKIM 4:3

Yabin nanuu kaleta musu besi natun sio. Ana paleta hataholi Israel-la no balakaik, teuk duahulu dalen-na. Basa boema, laloo bou-bou loke tutulu-fafalik neu Manetualain.