HOSEA 5:14 - Susula Malalaok Hehelu Palak Ma Hehelu Beuk

¹⁴ Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

HOSEA 5:14 ပူးပေါင်းရင်းမြစ်များ

AYUB 10:16

Metema, au hapu buna-boak, leomae ta ba'uk fa, O usi au sama leo singa, ma O matu'du seluk, O koasam-ma, fo ka'da, soaneu O makabibiik au.

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

MAZMUR 50:22

Taoafik leona, emi fo mafandele heni Manetualain-na; manea leona, fo boso nalosak Au tao amopo-amate emi, fo ta hapu manasoi-manatefa fa.

MAZMUR 7:2

Ou Manetualain fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

YESAYA 5:29

Basa solda'dun-nala langao sama leo singa fo besak-ka ana kaa nana'an-na fo nalai, de ta hapu hataholi bisa finga-na falik-kana fa.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

RATAPAN 3:10

Nahani sama leo beruang, Ana sapu-na au, sama leo singa.

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 2:12

Neukose, Au tao amate basa ai angol-lala, ma ai kaak-kala, fo tunga ndia soona, ndia ngga'di lau-onon neu basa tou susuen-nala nde ndia. Neukose, Au tao asafali ndia osi angol-la, ma osi ai kaan-na da'di nula; ma neukose bana fuik-kala tao lakalulutuk-kasa.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

ULANGAN 28:31

Neukose, ala do'do emi sapim-ma, nai emi matam-ma nai emi matam, tehu emi ta mi'a paan-na fa. Neukose emi mita, ala foo leni emi keledeim-mala, tehu ala ta fe falik-kasa fa. Neukose, ala fe emi bi'ilopom-mala leo emi musum-mala neu, tehu ta hapu manatulu-fali fa

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa