HOSEA 4:6 - Susula Malalaok Hehelu Palak Ma Hehelu Beuk

⁶ Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HOSEA 4:6 ပူးပေါင်းရင်းမြစ်များ

2TAWARIKH 15:3

Doon-na seli, Israel ta namahele neu Manetualain fo ndoos-sa, ta lanuu hoholo-lalanek fo muse ala tungan, ma ta lanuu imam-imam fo lanoli fas.

AYUB 36:12

Tehu metema, ala ta nau lamanene fa soona, neukose ala mate nai, nggoak-ka dalek.

MAZMUR 119:139

Au nasa-melung, ana lua ponu-ponu nai au aoinang dale, nanahu au musung-nga, nafandele heni O nanolim-ma.

MAZMUR 119:153

Mete au doi-dosong, fo soi-tefa-mala au leona, nana au ta afandele heni, O hoholo-lalanem fa.

MAZMUR 119:61

Hataholi mangalauk-ka, ana lona hihi'ik ba'eneu au, tehu au ta afandele heni, O hoholo-lalanem fa.

MAZMUR 18:27

Ba'eneu hataholi malalao-malalafuk-ka, O matu'du O aoina malalao-malalafum-ma, tehu O musu moo hataholi mangalauk-ka.

AMSAL 10:21

Hataholi malole-a dede'a-kokolan, nalupa baba'e-papalak ba'eneu hataholi makadotok; hataholi nggoak-ka, nggoan-na taonisa seluk aoinan-na.

AMSAL 19:2

Manggatek-ka ta no malelak-ka fa soona, ta malole fa; hataholi fo, nakalupu lai-lai, neukose ana tao salak.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESAYA 29:12

Metema, nenin leo hataholi manalees malela tak-ka neu soona, neukose nataa, nae ndia ta lees nalelak fa.

YESAYA 3:12

Neukose hataholi fo lakabubunak doin-nala, ala tuni-ndeni Au anang-ngala, ma hataholi manada'di kelumatuk-kala, lakatutu'dak-kasa. Neukose Au anang-ngala mauli-malangan, ala tao-la Au anang-ngala latofa-latalak, nalosa ala ta bubuluk, ala muse la'ok tunga enok beek-ka so'on.”

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 5:13

Hu ndia de, Au anang fo, ala ta bubuluk hata-hata fa, neukose ala foo lenis da'di leo hataholi nanafook. Basa mauli-malangan ma laun-na, neukose mates loo la'a-ndoes-sa, ma maa ma'dak-ka.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

YESKIAL 44:23

Basa imam-mala, muse lanoli Au anang-ngala, soaneu ala bisa mete lalelak, beek-kande nanafe hehelik neu Au, ma beek-kande ta, beek-kande balisi, tunga agama, ma beek-kande manggenggeok.

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 2:13

Neukose Au hukun, nanahu ana pake fai-faik-kala, soaneu tunu boomenik fe Baal, boema ana balias aoinan-na nenik lilo-henu, fo neu usi tou susuen-nala, boema nafandele heni Au makandondook. Au, Manetualain, kokolak ae leondia.”

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.

HOSEA 4:14

Tehu, neukose Au ta huku sila tatao-nono'in ndia fa, nana emi boeo, meu leo manasosoa-piaok fo lalalau-laoono nai uma sosongok-kala, ma emi basa-basam-mala, tunu-hotu tutunu-hohotuk neu lamatua daebafak-ka. Tete'ek-ka dede'ak ia la'en, nae, ‘Leoina fo ta nanuu malelak la'eneu Manetualain fa, neukose mopo-mates.’

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

HOSEA 6:6

Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 7:9

Ta lame'da lae, hu ka nde ala da'di esa loo leoina sila-la, de mopo be'i-balakain-nala so. Sila so'da mate'en-na sanga deka ndia so, tehu ala ta bubuluk-kana fa.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HOSEA 8:12

Au sulak fes nanolik makadotok, tehu ala ta sipok-kasa fa, nanahu lafa'da lae sila ta paluu nanolik sila-la fa.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

HOSEA 9:17

Manetualain fo au alalau-aoonon ndia, neukose Ana ta sipok anan-nala fa, nanahu ala ta lamanene fan. Neukose laleu-lalaak lai leoina-la tala'da.

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

MATEOS 15:8

‘Manetualain nafa'da nae leo ia: Hataholi sila ka'da lakaluku-laktele neu Au, ninik ka'da hala-kokola nala, tehu dale nala doo ka neme Au mai.

SEMUEL SUSULAK-KA ESAN-NA 2:12

Eli anan-nala tatao-nono'in mangalaun nanseli. Ala ta lamanene Manetualain fa,