HOSEA 4:14 - Susula Malalaok Hehelu Palak Ma Hehelu Beuk

¹⁴ Tehu, neukose Au ta huku sila tatao-nono'in ndia fa, nana emi boeo, meu leo manasosoa-piaok fo lalalau-laoono nai uma sosongok-kala, ma emi basa-basam-mala, tunu-hotu tutunu-hohotuk neu lamatua daebafak-ka. Tete'ek-ka dede'ak ia la'en, nae, ‘Leoina fo ta nanuu malelak la'eneu Manetualain fa, neukose mopo-mates.’

HOSEA 4:14 ပူးပေါင်းရင်းမြစ်များ

1RAJA-RAJA 15:12

Ana usiheni basa ina manasosoa-piaok manai mamana sosongo-tatangok-kala, ma basa sosongo-tatangok fo mane-manek manapaleta makahuluk-kala lapadedei kasa lai nusak ndia lala'en-na, ana tao nakalulutuk la'iesa kasa.

2RAJA-RAJA 23:7

Kama-kama manai Manetualain Uman, fo ina manasosoa-piaok manai uma sosongo-tatangok-ka paken, soaneu ala sosoa-piao, da'di leo sene-do'ok esa neu lamatua daebafak-ka, ana tao nakalulutuk la'iesak-kasa. (Nai kama sila-la dalek, nde inak sila-la tenu-henge temak, fo ala paken, nai lelek ala sene-do'ok neu lamatua daebafa inak Asyera)

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

AMOS 7:17

Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”

BILANGAN 25:3

Hu kande hataholi Israel-la, sene-do'ok neu Baal neme Peor, de Manetualain namanasas, de nafa'da Musa nae,

YOHANIS 8:43

Hu bek de, emi ta malelak Au nanoli-nafa'dang fa? Hu ka nde emi ta makataka mamanene Au nanoli-nafa'dang fa.

ROMA 3:11

ta hapu hataholi malelak esa boen, ma ta hapu hataholi esa boen, ana sene-do'ok neu Manetualain.

1 KORINTUS 6:16

Do fafa'kama emi beita bubuluk metema hataholi esa sese'do-babalik no hataholi manasosoa-piaok esa soona, duas da'di hataholi esa ndia so! Nana nai Susula Malalaok dale nanasulak nae, “Duas dadi esa.”

EFESUS 4:18

Dudu'a-aafi nala makahatuk so. Ala ta lalelak maso'dak fo Manetualain fe ka fa, nana ala ta lalelak Manetualain faa anak boen. Ala da'di tao leondiak nanahu lalanga batu lanseli.

ULANGAN 23:17

Hataholi Israel esa, nau touk do inak boe, ta bole da'di manasosoa-piaok, nai uma sosongo-tatangok-kala fa.

IBRANI 12:8

Metema emi ta nanahukuk sama leo basa ana fe'en ia la fa soona, sosoa na nae, emi ta moli-da'di neme Ndia mai fa.