HOSEA 4:1 - Susula Malalaok Hehelu Palak Ma Hehelu Beuk

¹ Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 4:1 ပူးပေါင်းရင်းမြစ်များ

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

MAZMUR 81:9

Mamanene Au hala nasanene'dang-nga, hai Au anang, Israel, fo ela leo bee-na, emi nau mamanene Au!

YESAYA 1:10

Yerusalem, basa mauli-malangan, ma emi leoinam-ma, da'di sama leo hataholi Sodom ma Gomora so. Mamanene hata fo, Manetualain nafa'dan neu emi; taoafik neu hata fo, ita Manetualain-na, nanolin neu ita.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 28:14

Mamanene hata fo, Manetualain nafa'dan, hai manahakinonolik, fo manapaleta laun manai Yerusalem-ma lemin!

YESAYA 34:1

Hai leoinak-kala lemin, mai fo takabubua, ma mamanene leon-na. Nemen-na fo, basa daebafak-ka lala'en-na, ma basa hata maso'dak nai dalek-ka, ala mai fo lamanene.

YESAYA 34:8

Fain-na nde ndia, fo Manetualain nasala'e Sion, ma Ana balas nape'da dalen-na neu musun-nala.

YESAYA 5:3

Da'di, besak ia, Au tia-laing-nga nafa'da nae, “Emi basa-basam fo, laun Yerusalem ma Yehuda-la lemin, maketu-mala'di Au osi angol-la ma Au.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YESAYA 59:8

Emi ta sanga enok, soaneu mole-dame-a fa, ma basa emi tatao-nono'i mala, ta tunga ndoos ma matetuk-ka fa. Emi enom-ma dopelele'u, de hataholi manala'ok tunga enok ndia, neukose ta naua-nanale fa.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 19:3

Au muse afa'da leo ia, “Hai Yehuda manen-nala ma Yerusalem laun-nala lemin! Mamanene hata fo Au, Manetualain Fo Manakoasa, fo Israel Manetualain-na, sanga kokolak no emi. Neukose Au uni susa-soe fo matuaina lo mamanak ia mai, de nalosa hataholi fo manamamanenek-kala nggenge.

YEREMIA 2:4

Mamanene Manetualain hala hehelun-na, hai emi fo, Yakob tititi-nonosin, ma leo-leo Israel-la lemin!

YEREMIA 2:9

Manetualain nafa'da nae, “Besak ia, Au adede'a seluk o Au anan-ngala, ma Au aketu-ala'di tititi-nonosin-nala

YEREMIA 25:31

Halan-na nadodolo neme daebafak-ka pe'da leu pe'dak neu; Manetualain tao dede'ak ndia neu basa leoina la. Neukose basa hataholi lala'en-na sese'an-na nanapalisak fo ela manatao mangalauk-ka neukose nana huku nisak.’ ”

YEREMIA 34:4

Tehu mamanene Au hala-kokolang-nga nde ia de Zedekia! Neukose o ta mate nai natee-natatik-ka dale fa,

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YEREMIA 5:4

Au dudu'a-dodoo ae, “Ah, sila ka'da laun matasi'da-matasaek, fo ala ta bubuluk hata-hata fa. Ala tao tunga sila nggoan-na, nanahu ala ta bubuluk hata fo, Amak Manetualain nahiik-kana, ma noken neme sila mai.

YEREMIA 51:5

Au, Manetualain, Amak Manetualain Fo Manakoasa, Israel Amak Manetualain Malalao-malafu, neukose ta la'o ela Israel ma Yehuda fa leomae sila tao salak neu Au.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YEREMIA 7:28

Da'di mafa'das, mae sila nde been-na, leoina esa fo, ta nau tunga Au, fo sila Aman Manetualain fa. Ala ta nau lanoli neme hoholo-lalanek fo, lame'da litan so. Sila lilinekan neu Au-a, mopok-kana so, lena-lenak ala ta nau kokolak lilinekak ndia so'on.”

YEREMIA 9:20

Boema au afa'da ae, “Hai basa inak-kala lemin! Mamanene Manetualain dede'a-kokolan leona, Manoli emi anafe'om-mala, nakamee kikii-makaleleuk, manoli emi tia-laim-mala, nakamee fafaluk.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

YEREMIA 9:7

Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

YESKIAL 16:35

Hai Yerusalem, fo manasosoa-piaok-ka, mamanene hata fo, Manetualain Fo Mademaina, nafa'dan nae, “O o'duheni o ba'dum-ma so, de da'di leo ina manasosoa-piaok, o fe o aopaa-ma neu o tou susue-lalaim-mala, ma neu o sosongo-tatangom fo nana maluak sila-la. O taomisa o anam-mala, de o tunu-hotu fes neu sosongo-tatangok sila-la.

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 12:3

Manetualain nanuu dede'ak no leoina Yehuda. Boeo, neukose Ana huku Israel, nanahu ha'da-paliin-nala. Neukose Ana balas tatao-nono'in-nala.

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

YOEL 1:2

Mamanene leon, hai lasi-lasi kala lemin; taoafik leon, basa hataholi manai Yehuda-la lemin. Manada'dik leo ia-ka, ana da'di hai nai emi tepo-lelem-ma do nai emi bei-ba'i kaim-mala, tepo-lelen-na so do beik?

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

AMOS 7:16

Hu ndia de, mamanene hata fo Manetualain nafa'dan neu emi. Nanahu o kena-ka'i au tui-benga fo la'ban leoina Israel-la.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

YOHANIS 8:55

te see ko na emi ta malela kana fa. Tehu Au alela kana. Leo uni ka Au afa'da ae, Au ta alela kana fa soona, Au hataholi masapepekok, sama na leo emi boe. Tehu Au alela kana, boema Au tunga dede'a-kokolan.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

NINITAK 2:11

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafadan neu hataholi kamahehele nala! Sila fo manasengi kala, neukose ala ta doidoso hata-hata makandondook neme mamate kadua mai fa.”

NINITAK 2:29

Ba'eneu see fo hapu namanene soona, ela leo bee na ana taoafik neu hata fo Manetualain Dula Dale na nafadan neu hataholi kamahehele nala!”