HOSEA 3:5 - Susula Malalaok Hehelu Palak Ma Hehelu Beuk

⁵ Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

HOSEA 3:5 ပူးပေါင်းရင်းမြစ်များ

1RAJA-RAJA 12:16

Lelek laun-na bubuluk lae manek-ka ta nau namanene fas boema ala eki ma lafa'da lae, “Tafaduli beek neu Dauk ma tititi-nonosin-nala! Sila beita tao lita hata esa boen soaneu ita fa. Laun Israel-la lemin, mai fo ita fali te'u tala! Neme na fo ana ito-ato ndia aoinan-na mesak-kana!” Boema laun Israel-la fali Leona,

YESAYA 17:7

Nai faik ndia, neukose hataholi fali, fo noke tutulu-fafalik neu Manamakadada'dik-kana, fo Israel Manetualain malalao-malalafun-na.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 60:5

O mete-mita ndia boema, o dodoo doak-kana ma o mata-panam napena; o nggenge ma o dalem-ma namatua. Leoina-kala, leni hata-heton leo o mai, o hapu su'i-betes manasasi kao-kaok-ka, neme tasi selik mai.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

YEREMIA 33:17

Au, Manetualain, hule ae, meten te neukose hapu hataholi esa neme Dauk tititi-nonosin-na fo ana da'di Israel manen-na;

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

DANIAL 10:14

Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 5:6

Leu sanga Manetualain nenik leni bi'ilopo ma sapi soaneu tutunu-hohotuk, tehu basa sila-la, sosoa-ndandaan ta. Nana Manetualain Ana la'oelas so, de ala ta hapu latongo loo fan.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

MIKHA 4:1

Nai fai-fai manamaik-kala, pupukuk, fo Manetualain Uma mamanan-na, neukose napadeik natetu ma boetai namadema lena heni letek-kala ma pupukuk-kala. Leoina lala'en-na, faa beosu leo naa leu.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.