HOSEA 3:4 - Susula Malalaok Hehelu Palak Ma Hehelu Beuk

⁴ Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

HOSEA 3:4 ပူးပေါင်းရင်းမြစ်များ

KEJADIAN 31:19

Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka.

KEJADIAN 31:34

Ndia te, Rahel ho'i-na dodoki-dudulak ndia, de ana taon leo alukosu manai onta, ne'a sa'e ndalan dale neu, de nangatuuk neu lain. Laban nggale'da basa Rahel lalaa teman dale lala'en-na, tehu ana ta hapu dodoki-dudulak ndia fa.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

2RAJA-RAJA 23:24

Soaneu lakalala'ok hoholo-lalanek, fo nanasulak nai susulak fo Imam Matuaina Hilkia hapun neme Manetualain Uman dale-a, de Mane Yosia usi heni basa hataholi manamaloo samanek-kala, hataholi manasiula-tongonok-kala leme Yerusalem, ma leme Yehuda lala'en-na mai, boema ana tapa heni, basa lamatua daebafak-ka, sosongo-tatangon manai uma loo-la dalek, ma bua-lo'as fo ala paken, soaneu sene-do'ok neu lamatua daebafak-ka.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

KELUARAN 28:4

Boeo madenus fo ala tao babaa fanak, efod, ba'du manalu, ba'du kabaek nanaseu-soo mana'a hiik, tema fefeo langak ma kalikee. Ala muse tao bua-papake imam ndia soaneu o ka'am Harum no anan-nala fo ela ala hapu lalalau-laoono Au da'di leo imam.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

YESKIAL 21:21

Nana, manek Babel-la napadeik neu eno kaba'ek-ka, fo ana mete, ana tunga enok beek-ka, fo neu noke natutu'duk neme ndia sosongo-tatangon-nala mai, nakalolokok kokouisik, ma ana palisak bana fo, besak-ka nanatunu-hotuk-ka, aten-na.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

DANIAL 11:31

Boema ana haitua solda'du-la leu tao langgenggeo Manetualain Uman-na. Neukose ala lose heni tutunu-hohotu fai-faik-ka de napadedeik-na hata esa nakatata'u nanseli, fo loken lae Mangalauk fo manatao nakalulutuk.

DANIAL 12:11

Mulai neme hahae tutunu-hohotu fai-faik-ka, ma hata esa fo neni bibii namata'u matuaina, fo loken lae Mangalauk fo manatao nakalulutuk ndia, napadeik natetu soona, neukose seli faik 1.290.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

HOSEA 13:10

Emi moke manek ma mauli-malangan, tehu besak ia, basa-basas lai bee? Ade ala bisa soi-tefa-la emi laum-mala do ta?

HOSEA 13:11

No nasa-meluk Au fe emi manek, ma no nasa manalua ponu-ponuk-ka, Au hela falik-kasa.”

HOSEA 2:11

Neukose, Au ate'e basa feta-doten lala'en-na, nau feta teuk, do feta bulak-ka boe, ma fai Sabat-tala. Dede'a keke'un-na, basa agaman-na fai malolen lala'en-na.

IMAMAT 8:7

Basa ndia boema, ana pake bua papake imam-ma neu Harun: ba'du kabaek, kalikee ma ba'du manalu. Boeo efod de ana pa'an nenik tema a'ba lutu neu kale'bon-na.

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

IBRANI 10:26

Nana metema halak fo ndoos maneme Manetualain mai a, nanananduku-nalosa basak neu ita, tehu ta'ko ita ka'da tao sala-singok takandoo soona, ta hapu seluk tutunu-hohotuk soaneu loseheni ita sala-singon fa.

HAKIM-HAKIM 17:5

Mikha nanuu mamana tunu-hotuk esa so. Ana tao-na dodoki-dudulak sosongok de'ubee, ma tema babaafanak biak esa, efod boema ana so'u ana toun esa, da'di imam.

HAKIM-HAKIM 18:14

Makahulun-na, ladenu mata-mata ka limak-kala, lafa'da nonoon-nala lae, “Emi bubuluk, mae nai uma ia-la esa dalek, hapu dodoki-dudulak nakadiditak doi fulak do ta? Boeo hapu dodoki-dudula fe'ek-kala, ma Tema Babaa Fanak. So'ba dodoo su'dik, ita muse tao beek.”

HAKIM-HAKIM 8:27

Neme lilopilas sila-la mai, de Gideon tao-na dodoki-dudula sosongok esa, de napadedeik-kana nai nggolon-na, fo nai Ofra. Basa hataholi Israel-la leu leo naa leu, fo ala sene-do'ok neu dodoki-dudulak sosongok ndia, nalosa ala ta taoafik neu Manetualain so'on. De dede'ak ndia, ana da'di, sama leo hihi'ik esa, ba'eneu Gideon ma teidalen-nala.

SEMUEL SUSULAK-KA ESAN-NA 14:3

(Imam maneni ba'du babaa fanak-ka nde Ahya, fo Ahitub anan-na, fo nde Pinehas anan Ikabod tolanon-na, ma Pinehas, fo Eli anan-na, fo Manetualain imam-ma nai Silo.) Laun-na boeo, tabubuluk lae Yonatan la'o neme ndia mai so.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

SEMUEL SUSULAK-KA ESAN-NA 21:9

Boema, Ahimelekh nataa nae, “Au pe'da Goliat, hataholi Filistin fo o taomisan neme Bafak Ela ndia, tafainan-na nai ia; au pe'da tafaina ndia nai ba'du babaa fanak-ka dean-na, nanapotik nai temak esa dalek. Metema o nau soona, ka'da muu ho'i-man, nana au pe'da ka'da tafaina ndia mesak-kana nai ia.” Dauk nae, “Tafaina ndia, tafaina neulauk nanseli, nai basa nusak ia lala'en-na, de fe tafaina ndia leo au mai!”

SEMUEL SUSULAK-KA ESAN-NA 22:18

Hu ndia de, Saul nafa'da Doëg nae, “Ayo, lai-lai leona, O nde taomisa hataholi sila-la!” Boema, Doëg tutulumatak, de ana taonisa imam sila-la. Nai faik ndia dalen-na, ana taonisa imam faluhulu lima, fo imam sila-la hapu hak pake ba'du babaa fanak.

SEMUEL SUSULAK-KA ESAN-NA 23:6

Lelek Abyatar, fo Ahimelekh anan-na, nalai leo Dauk neu, de sama-sama no Dauk leu leo Kehila leu-a, ana ho'i neni ba'du babaa fanak boe.

SEMUEL SUSULAK-KA ESAN-NA 23:9

Tehu Dauk bubuluk basa, nae Saul nape'da dale mangalauk soaneun. Hu ndia de, nafa'da Imam Abyatar-ra nae, “Meni ba'du babaa fanak ndia leo ia mai.”

SEMUEL SUSULAK-KA ESAN-NA 30:7

Boema, Dauk nafa'da Imam Abyatar, fo Ahimelekh anan-na nae, “Meni ba'du babaa fanak ndia, leo ia mai!” Boema, Abyatar neni fen ba'du babaa fanak ndia.