HOSEA 2:8 - Susula Malalaok Hehelu Palak Ma Hehelu Beuk

⁸ Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HOSEA 2:8 ပူးပေါင်းရင်းမြစ်များ

1 TAWARIKH 29:16

Ou Amak, fo ami Manetualaim-ma, basa hata-heto kabelik ia-la ami tao makabubuas mai ia soaneu mapadedeik uma esa ba'eneu O, fo ela ami hapu fe ha'da-holomata neu O na'dem fo malalao-malalafum-ma. Tehu basa sila-la, ami sipos leme O mesam-ma mai, ma basa sila-la nde been-na O nuum boe.

AYUB 19:8

Manetualain kena ketu, au enong-nga, de au ta hapu la'o tunga ndia fa, Ana taon-na au eno anang-ngala, makahatu kiu-kiuk.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 46:6

Hataholi-a ana buka tas doin-na, fo ana poli lilopilan-na, boema ana tai lilofulan-na, nenik tatais. Ana se'ba-bae tuka lilopilas-sa, fo ana tao dodoki-dudula sosongo-tatangok, boema, ana sene-do'ok neu, ana taon-na dodoki-dudulak-ka.

YEREMIA 7:18

Ni'iana-la hila ai, ma touk-kala lakafu'dik ha'i, ma inak-kala kame ha'desopuk, fo ala tao kokis fe lamatua daebafa inak, fo ala foin na'de, Ina Manek Nusa so'dak. Sila boeo, tunu-hotu fe lamatua daebafak fe'ek-kala angol, fo taok-kande lakahehe'dik Au daleng-nga.

YESKIAL 23:41

Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

DANIAL 3:1

Faik esa boema, Mane Nebukadnezar-ra tao-na dodoki-dudulak esa, deman-na metel 27, ma loan-na metel 3. Napadedeik dodoki-dudulak ndia neu moo matetuk Dura, nai propensi Babel-la.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

HOSEA 10:1

Israel sama leo ai angol fo boan-na inu-inu. Su'i-beten-nala boetai lamaba'uk-ka boema, ala boetai tao mei tunu-hotuk ba'uk-ka. So'dan-nala boetai da'di malole boema, ala boetai tao matalolole lutu batu sosongo-tatangok fo ala sene-do'ok-kala.

HOSEA 13:1

Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

HOSEA 4:11

Manetualain nafa'da nae, “Hai, Au anang-ngala lemin, nau angol palaak do angol beuk boe, ana tao namopo emi dudu'a-aafi neulaum-ma so.

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

LUKAS 15:13

Basa faik de'ubee boema, ni'iana mulianak ndia nase'oheni ndia hata baba'e na de neu leo nusa dook neu. Nai naa, ana didilo-dodolo tali doi na ninik so'da lena-lena ka.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

HAKIM-HAKIM 9:27

Leu seu angol nai osi angol-la, boema ala nasu angol, fo ala tao feta. La'a-linu nai sila lamatua daebafan-na, mamana sosongon-na, boema ala soo-supa Abimelekh lae,