HOSEA 2:21 - Susula Malalaok Hehelu Palak Ma Hehelu Beuk

^21-22 Nai lelek ndia, metema Au anang Israel hule haladoi soona, neukose Au amanenes. Au fe u'dan-na kona neme lalai mai, nalosa daebafak-ka fe buna-boa gandum, angol ma mina setun.

HOSEA 2:21 ပူးပေါင်းရင်းမြစ်များ

YESAYA 55:10

Sama leo u'dan-na, ana mai neme lalai mai, fo ana ta fali ne'u fan, tehu ana tao nakadoe daebafak-ka, fo ana taon-na dae-a, nalole, ma nakamomolik bubu'u-palusa, ana fe buna-boak neu manasele-mananggali, ma nana'ak neu hataholi fo, ana nau na'a.

YESAYA 62:4

O na'dem-ma, ta nde ‘Fo Nanala'oelak so'on’, o nusam-ma, ta na'de ‘Fo Mananee-nee lino-linok so'on’. Neukose loke o lae, ‘Fo Manetualain sue-lain’, ma o nusam-ma, nanafoik na'de, ‘Fo Ka'bing basa so’, nana Manetualain dalen-na nandaa no o, Ndia sama leo, o nusam-ma, saotoun-na.

YESAYA 62:5

Sama leo touana muli-soluk esa, ana ka'bing no, anafe'oana matatema esa, Leondiak boe, o Manamakadada'dim-ma, neukose Ana ka'bing no o. Sama leo manaka'bing touk esa namahoko nita saoinan-na, leondiak neukose Manetualain dalen-na, nandaa no o.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

YESKIAL 36:29

Neukose Au soi-po'i emi, neme emi manggenggeom lala'en-na mai. Neukose Au paleta gandum-mala, fo ala moli no malole, nalosa emi ta mamala'a-mamandoe so'on.

HOSEA 14:7

Neukose, laso'da ma lamade'u, sama leo bubu'u-palusa, fo nanupu su'di nai bee boe, lole-napun, sama leo ai setun-na, naboomeni, sama leo ai kaiou-a!

YOEL 2:19

Nataas nae leo ia, “Besak ia, Au fe emi basa-basam-mala: gandum, angol ma mina setun fo da'di nana'a-nininuk, fo ela emi basa-basam-mala makabete. Neukose Au ta po'ilotak lakadadaek emi do leoina-la hika emi fa.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MALEAKHI 3:11

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?