HOSEA 14:2 - Susula Malalaok Hehelu Palak Ma Hehelu Beuk

² Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

HOSEA 14:2 ပူးပေါင်းရင်းမြစ်များ

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

AYUB 7:21

Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

MAZMUR 119:108

Ou Manetualain, sipo-ma au huhule-haladoi makasing-nga, ma manoli au, O hoholo-lalanem.

MAZMUR 50:14

Tunu-hotu tutunu-hohotu makasi neu Manetualain leona, tao matetu emi hehelu-balataam neu Manetualain Fo Mademaina.

MAZMUR 51:16

Soi-tefa-ma au neme mamates-sa mai, ou Manetualain, fo au manasoi-manatefang-nga, soona neukose no namahoko-seteleek, au tui-benga O ndoo-matetum.

MAZMUR 51:17

Ou Manetualain, tulu-fali au kokolak, soona neukose au koa-kio O.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YESAYA 6:7

Ana fe ha'ikaa manafolokakaak ndia koi la'e au bafang-nga, boema nafa'da nae, “Ha'ikaa manafolokakaak ia, koi la'e o difadoom-ma so. Besak ia, o salam-ma nanalose henik, ma Manetualain fe do'o do ampon neu o sala-singom so.”

YEREMIA 3:12

Manetualain nadenu au u, fo afa'da dede'ak ia neu Israel nae: “Hei Israel, fo ta mana lilinekak-konei, fali ma'im-ma, leo Au mai leona! Au daleng-nga henuk no susue-lalaik, de neukose Au ta amanasa o losa dodoon-na fa.

HOSEA 12:7

Hai emi fo Yakob tititi-nonosin-nala lemin, mamahele neu emi Manetualaim-ma, ma fali ma'im-ma leo Ndia meu. Maso'da no susue-lalaik, ma tunga ka'da ndoon-na, ma mahani no boso haelai mamanasa, losa emi Manetualaim-ma ho'i nakeketuk.

HOSEA 5:5

Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

HOSEA 6:6

Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

YUNUS 2:9

Tehu neukose au akamee nakamee kokoa-kikiok ba'eneu O ma au tunu-hotu tutunu-hohotuk soaneu O. Neukose, au tao atetu au hehelu-balatang lala'en-na O nde Manetualain fo manasoi-tefa.”

ZAKHARIA 3:4

Boema, ata nusa so'dak ndia, nafa'da malalau-maoonon manai nusa so'dak-kala nae, “O'du heni bua-lo'a manggenggeok fo hataholi ia paken.” Boema nafa'da Yosua nae, “Au tu'u-tapa heni o sala-singom so, de neukose au fe o bua-lo'a beuk.”

MATEOS 7:11

Leomae emi ia, hataholi mangalau kala boe, tehu emi boeo bubuluk fe hata malole neu emi ana mala boe. Muda hata no emi Amam manai nusa so'da ka bai! Neukose Ana fe hata malole neu hataholi manoke neu na.

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

ROMA 11:27

Neukose Au tao hehelu-balataa ka nde ia, no sila nai lelek fo Au fe do'o do ampon neu sala-singo nala.”

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

IBRANI 10:4

nanahu memak sapi daa no bi'ihii mane daa, ala ta hapu loseheni sala-singok fa.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.

1 YOHANIS 3:5

Emi bubuluk basan, Kristus mai soaneu Ana koka heni hataholi daebafa ka sala-singon, boema emi bubuluk boeo, Kristus sala-singon ta.