HOSEA 13:9 - Susula Malalaok Hehelu Palak Ma Hehelu Beuk

⁹ Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HOSEA 13:9 ပူးပေါင်းရင်းမြစ်များ

2TAWARIKH 28:23

Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 33:20

Boema ita tamahena neu Manetualain, Ndia nde ita manatulu-falin, ma manamasala'en-na.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

AMSAL 6:32

Tehu tao leobeek neu hataholi touk manahohongek-ka? Ana tao nalutu ndia aoinan-na mesak-kana! Ndia nggoan-na seli!

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 5:25

Tehu emi sala-singom sila-la, nde lapangge basa hata malole sila, nalosa emi ta hapu fan.

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

HOSEA 7:15

Leomae Au nde akabobois de lamatua, ma Au fes be'i-balakaik, tehu ala tao nakabua makahatuk, fo ala lena-la'ban Au.

MALEAKHI 1:12

Tehu, emi makamumulu-makamamaek Au, nanahu emi mafa'da mae, Au mei tunu-hotung-nga, belin ta, de emi tunu-hotu nana'ak fo emi ta mahiik-kana, nai ndia.

MALEAKHI 1:13

Emi mafa'da mae, ‘Ita malua basa sila-la so’, ma emi heheta-aa'i Au. Emi meni banan-nakok, bana lu'u eik, do kamahe'dik, fo tunu-hotu fe Au. Emi maedaenga, Au nau sipo emi tutunu-hohotum sila-la do?

MALEAKHI 1:9

Besak ia, hai imam-imam-mala lemin, so'ba dokodoe neu Manetualain, fo ela Ana sue-lai ita. Neukose ta nataa emi huhule-haladoim fa, soona emi sala mesam ndia.

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”