HOSEA 13:5 - Susula Malalaok Hehelu Palak Ma Hehelu Beuk

⁵ Au nde anea emi nai dae tokotiik manai moo solokaek-ka.

HOSEA 13:5 ပူးပေါင်းရင်းမြစ်များ

KEJADIAN 31:40

Nasi'a, au ahoi le'do nai fai lele'don-na, makaleni nai fai le'odaen-na. Ma nasi'a, au ta hapu sungu faaanak boen.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 142:3

Au hoo-nggu'u nai matan-na; au afa'dan, basa au susang lala'ena.

MAZMUR 31:7

Hataholi manasene-do'ok neu sosongo-tatangok-ka, O ta mahiik-kasa fa; tehu au amahele neu Manetualain.

MAZMUR 63:1

Dauk kokoa-kikiok, nai lelek nai moo solokaek Yehuda.

KELUARAN 2:25

Nita ala tao hataholi Israel-la da'di ata, boema Ana ho'i nakeketuk, fo Ana tulu-falis.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

HOSEA 5:3

Hai Israel, Au bubuluk basa hata lala'en-na la'eneu emi! O ta bisa mafuni-mala hata esa boen, neme Au mai fa. O sene-do'ok neu sosongo-tatangok, ma o ta lilineka neu Au so'on. Hu ndia de, o laum-mala, ta landaa sene-do'ok seluk neu Au so'on.”

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

1 KORINTUS 8:3

Tehu hataholi fo te'e-te'e ana sue-lai Manetualai na, Manetualain nalelak hataholi ndia.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

ULANGAN 32:10

Ana nitas laleu-lalaak nai mamanak nee-nee lino-linok nai moo solokaek-ka. Boema Ana nasulu-nahapas ma nakabobois ma naneas sama leo Ndia pusakan-na.

ULANGAN 8:15

Manetualain nauli-nalanga emi, tunga moo solokaek maloaina, fo neni bibii-namata'uk, ma henuk no menge makaak-ka ma kulak-kala ndia. Nai dae ma'dak, fo oe ta nai ndia fa, Ana fe oe-a faa neme batu dale mai, fo ela emi hapu minu losa emi makabete.