HOSEA 13:15 - Susula Malalaok Hehelu Palak Ma Hehelu Beuk

¹⁵ Leomae Israel tetu-temak sama leo na'u manaeloakak-ka, tehu neukose Au haitua ani timu mato'bik-ka mai neme moo solokaek-ka mai. Neukose anin ndia, ana tao nama'da basa oemata lala'en-na, ma oedolu-la, nalosa basa hata kabelik lala'en-na mopok-kasa.

HOSEA 13:15 ပူးပေါင်းရင်းမြစ်များ

KEJADIAN 41:23

Boema gandum pulek hitu moli boe te nala-nalak mesan ma lamatuu nanahu anin moo maloa.

KEJADIAN 41:52

Yusuf nafa'da seluk nae, Manetualain fe basa au anak nai au toto'a-tataa taang dalek so, “Boema ana foi ana ka duan-na na'de Efraim.”

KEJADIAN 41:6

Basa boema gandum fe'ek pulek hitu moli boe, nalak mesa-mesan ma lamatuu nanahu anin moo maloa.

KEJADIAN 48:19

Tehu aman ta sipok fa, de nae, “Au bubuluk, anang-ngo, Neukose Manasye koasan-na ba'un-na seli, ma tititi-nonosin boeo neukose da'di leoina matua. Tehu fa'din na neukose koasan-na matua lena neme ka'an ndia mai, ma fa'din ndia tititi-nonosin neukose da'di leoina matua.”

KEJADIAN 49:22

Yusuf sama leo keledei ana keledei fuik-ka, deka no oemata, nalaik nai letek-ka huun-na.

AYUB 18:16

Okan-nala kukulu, ma ndanan-nala lamatuu.

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

YESAYA 14:21

Neukose dodo'do-papauk-ka, ana da'di no lai-laik! Neukose mate o anamanem-mala, nanahu sila bei-ba'i kain-nala sala-singon-nala. Ta hapu sila hataholin esa boen, neukose ana paleta nai daebafak-ka, do nafofo'a kota-kota-la fa.”

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESAYA 27:8

Manetualain huku anan-nala nenik Ana tapas leo nusa dea leu. Ana usihenis nenik ani mangalauk-ka, neme dulu mai.

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YEREMIA 20:5

Sila musun-nala boeo neukose Au po'ilotak-kasa ala kalo ma ala ho'i leni kota ia su'i-beten-nala, boema sila hata-heton-nala, nakalenak Yehuda manen-nala hata pusakan-nala leo Babel neu.

YEREMIA 4:11

Neukose fain-na losa, fo hataholi Yehuda-la, ma laun Yerusalem-mala hapu halak, nae ani mato'bik-ka ana mai neme moo solokaek-ka mai, fo nasale leo ita mai. Anin ndia, ta anin biasa, fo ana fuu neni ka'da ha'deuk-ka mesan-na fa,

YEREMIA 4:12

tehu anin mabe'i-balakaik, fo no Manetualain mesak-kana paletan-na, de ana mai, fo naketu anan-nala huhukun-na.

YEREMIA 51:1

Manetualain nafa'da nae, “Neukose Au haitua ani mangalauk fo mana fuu nasale leo Babel no laun-nala.

YEREMIA 51:36

Hu ndia de Manetualainnafa'da neu Yerusalem laun-nala nae, “Neukose Au ho'u emi dede'a ma fo Au balas falik musu-la tatao-nono'i fo ala tao neu emi. Oe mata-la ma lee-la neukose Au tao ama'das.

YESKIAL 17:10

Memak, okan-nala latea so, tehu ana bisa moli nakandoo, boema namade'u do ta? Metema ani timu-a fuu la'en soona, neukose ana male do ta? Neukose namatuu neme mamana seselen-na do ta?”

YESKIAL 19:12

Tehu hataholi ba'unasa-la, ala fe'ahenin, basa boema, ala tapan neu dae lain. Ani timu-a ana mai, boema ana tao-na boa momo'don-nala, lamatuu. La'di ndanan-nala, de lamatuu, boema ala hotuhenin.

DANIAL 11:8

Nai lelek ana fali ne'un leo Masir neu, neukose ana ho'i neni musun-na lamatua daebafan-na dodoki-dudulan, ma hata-heto lilopilas ma lilofulak fo nanatunu-hotu basak neu lamatua daebafak ndia so. Teuk de'ubee dalen-na, neukose ta nata'ti no manek nusa kii fa.

HOSEA 10:1

Israel sama leo ai angol fo boan-na inu-inu. Su'i-beten-nala boetai lamaba'uk-ka boema, ala boetai tao mei tunu-hotuk ba'uk-ka. So'dan-nala boetai da'di malole boema, ala boetai tao matalolole lutu batu sosongo-tatangok fo ala sene-do'ok-kala.

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

HOSEA 4:19

Hu ndia de, neukose ala sapu-lalo, sama leo anin-na fuu nenis. Neukose ala hapu mamaek, hu kande tutunu-hohotuk fo ala tunu-hotun neu lamatua daebafak-kala.

HOSEA 9:11

Neukose Israel matua-mademan ana lapu, fo mopon sama leo manupui-a. Neukose inak-kala ta lailu so'on, fo ta hapu ni'iana nanabongik so'on.

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

NAHUM 2:9

Loso-ma la'iesak lilopila lilofulan! Hata-heto manai kota ia, tete'ek-ka ana sasi kao-kao!

ULANGAN 33:17

Yusuf be'i-balakain ba'u sapi fuik-ka, be'i-balakain, ma sapi mane fuik-ka susulan ndia nde, hataholi Manasye-la lifu-lifun ma hataholi Efraim-mala, kefin-kefin Ana puka leoinak-kala, ma ana sesetis losa daebafak-ka bu'un-nala.”