HOSEA 13:14 - Susula Malalaok Hehelu Palak Ma Hehelu Beuk

¹⁴ Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

HOSEA 13:14 ပူးပေါင်းရင်းမြစ်များ

AYUB 33:24

Neukose, ata nusa so'dak ndia, nafa'da no dale kasian nae, ‘Se'i po'i hataholi ndia, fo boso fen kona leo hataholi manamatek-ka, daebafan dale neu. Doi sosoin-na nde ia, de po'in leona.’

AYUB 41:22

Kandoun-na mateaina, de nalosa hata lala'en-na, ala bii-lamata'u nai matan-na.

MAZMUR 16:10

Nana, O ta po'ilotak au mate fa; hataholi fo O sue-laik-ka, O ta po'ilotak-kana mate-mopo fa.

MAZMUR 30:3

Ou Manetualain, fo au Manetualaing-nga, au aloo bou-bou neu O, au oke tutulu-fafalik, ma O tao malea-mahai au.

MAZMUR 49:15

Sila nananaketuk soaneu mate, sama leo bi'ilopo-a; neukose mamates-sa da'di sila manafoon. Fafai-fafain-na hataholi ndoos-sa sengis; aopaan-nala naboo no lai-laik nai hataholi manamatek-ka daebafan-na, fo dook-ka neme mamana leleo tetu-temak-ka mai.

MAZMUR 49:16

Tehu neukose Manetualain soi-po'i au, Neukose Ana se'i-po'i au neme mamates-sa koasan-na mai.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

MAZMUR 86:13

Nana O sue-lai mahele au, nenik susue-lalaik matuaina; O soi-po'i au samaneng-nga neme bolo mamates dale mai so.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 20:16

Nemena fo mananeni halak ndia nalupa kota-kota fo Manetualain tao nakalulutuk-kana ta no dale kasian fa. Nemena fo namanene honggu'u he'di-laus nai faik fafain-na, ma nanggasiaok natee-natatik-ka nai le'do hana.

YEREMIA 31:35

Manetualain sadia le'do-a soaneu tao nasala matalele'dok-ka; Bula ma nduk-ka nasala soaneu le'odaen-na. Ana ee'do-aadi tasi-a de nalosa lii-la laponu, Manetualain Fo Manakoasa, fo na'den-na na'de ndia.

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

HOSEA 6:2

Nai faik dua do 3 dalen-na ia, neukose nakahahaik ita, ma neukose ita taso'da nai nasulu-nahapan dale.

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

ROMA 11:15

Hu ka nde Manetualain ta sipo kasa fa, de daebafa ka tututi-nanaton lo Manetualai na malole falik. Lena-lenak metema Manetualain sipo kasa! Tao leo bee o, dede'ak ndia sama na leo hataholi manamate kala laso'da falik!

ROMA 11:29

Nana metema Manetualain hele hataholi esa fo Ana fen baba'e-papalak soona, Ana ta hela falik hata fo Ana taon ndia fa.

2 KORINTUS 5:4

Nai lelek fo ita bei leo nai uma manai daebafak ia dale ka, ita honggu'u, nana ita lelepa mabela na. Ta hu ka nde ita nau tatapo'i teme ita ao paa daebafa na mai fa, te hu ka nde ita nau pake ita ao paan maneme nusa so'da ka mai, fo ela ita ao paan fo bisa maten ia, nanatao nasafalik da'di ao paa maso'dak.

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

1 TESALONIKA 4:14

Ita tamahele Yesus maten, ma naso'da falik so. Hu ndia de, ita boeo tamahele, neukose Manetualain tao naso'da falik basa hataholi kamahehele mana mate basa kala, fo sue ka nde laso'da sama-sama lo Yesus.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

NINITAK 20:13

Boema tasi fe hataholi manamatek manai dale ka. Mamate sa ma Faka Mamate sa boeo fe hataholi manamatek manai sila dale ka. Laketu-lala'di hataholi manamatek sila la basa-basas huhuku nala nandaa no sila tatao-nono'in.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

NINITAK 6:8

Au mete boema, au ita ndala bulu mama'uk esa. Manasa'e nana na'de Mamates. Faka Mamate sa tunga deka-deka non neme dea mai. Koasa soaneu daebafak ia baba'ek esa neme baba'ek ha mai nanafek neu sila, fo ela ala hapu lanisa tunga nata'ti ka, tunga le'dofai la'a-ndoe sa, tunga he'di-lau sa, ma tunga bana makaa kala.

SEMUEL SUSULAK-KA ESAN-NA 15:29

Israel Manetualain Fo Mandela-masa'ak-ka, Ana ta nau nasapepeko-nasandandali fa, ma Ana ta nau nggati seluk nakeketun-na boen, nanahu hataholi daebafak ta Ndia fa.”