HOSEA 13:13 - Susula Malalaok Hehelu Palak Ma Hehelu Beuk

¹³ Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

HOSEA 13:13 ပူးပေါင်းရင်းမြစ်များ

2RAJA-RAJA 19:3

Hizkia hala hehelun, fo ala landuku-lalosak-kana neu Yesaya, nde ia, “Faik ia fai luu-mata pinu-iduk; ita nanahukuk, ma nananakamumulu-nakamamaek. Ita sama leo, inak fo hii-hii nae bongi, tehu be'i-balakain ta so.

MAZMUR 48:6

Tehu lita pupukuk ndia boema, bafan-nala be poo; lakalupu, de lalai no lapangamak.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

YESAYA 13:8

Neukose bibii-namata'uk-ka ho'un-nalas, ma ua-kakalun-nala lakapii fo lita he'dis, sama leo inak-kala sanga bongi. Neukose, esa mete esa no bibii-namata'uk, ma mata-panan-nala pilas, hu kande mamaek-ka.

YESAYA 21:3

Ninitak ndia, ana taon-na au apangamak, nalosa au ta hapu ita, do amanene so'on. Au bii-amata'u ma ame'da he'dis, sama leo inak manabongik-ka.

YESAYA 26:17

Sama leo inak fo ana sanga bongi, de naule-napo'de ma nahoo he'dis, leondiak boe, ami nai O matam, Manetualain.

YESAYA 37:3

Ala landuku-lalosak Hizkia hala hehelun-na nde ia, neu Yesaya, “Faik ia, fai susa; ita nanahukuk ma nananakamumulu-nakamamaek. Ita sama leo inak fo, ana sanga bongi, tehu balakain ta so.

YESAYA 66:9

Boso maedaenga, Au o Au anang-ngala, losa fai bobongin-na, ma ta po'ilotak-kasa nanabongik fa.” Manetualain nae leondia.

YEREMIA 13:21

Fo neukose emi mafa'da beek-ka metema hataholi-hataholi fo emi taos sama leo emi tolanom-mala ala tao lakala emi, ma ala koa emi? Tao leo beo neukose emi mame'da he'dis sama leo inak-ka fo ana sanga bongi.

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YEREMIA 30:6

So'ba dudu'a-dodoon ma mete matalololen! Fafakama touk bisa bongi ni'iana beuana do? Metema leondiak soona, tao le'e de Au ita touk-kala esa-esak mata-panan-nala putuk beke esak ma ala ne'e tein-nala nenik liman-nala sama leo inak-ka fo sanga bongi-a?

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 49:24

Laun Damsyik-kala da'di male, ma lalai leni bibii-momopon. Ala lame'da he'dis ma ala doi doso sama leo ina manabongik-ka.

HOSEA 5:4

Hataholi Israel-la, tao tatao-nono'i mangalauk-ka, nininin-na nde, ala ta hapu fali ma'is leo sila Manetualain-na mai fa. Sosongo-tatangok-ka, ana koasan-nalas so, nalosa ala ta taoafik seluk neu Manetualain fa.

YOHANIS 16:21

Metema inak esa, ana hihii nae bongi soona ana to'a-sota, hu ka nde fai toto'a-sosotan ana losa so. Tehu metema ana bongi na ana na soona, neukose inak ndia nafandeleheni toto'a-sosotan ndia, fo namahoko-setelee, nanahu ni'iana beuana esa nanabongik leo daebafa ka mai so.

YOHANIS 5:4

Nana hapu faik fo Manetualain ata nusa so'da na kona leo lifu ndia dalek neu, fo ana koko'bak oe na. Metema lifu ndia oe na nako'ba, fo hataholi kamahe'dis see kona nakahuluk leo lifu ndia dalek neu soona, leomae he'di matak leo beek ndia boeo, ana hai tutik.]

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!

ULANGAN 32:6

Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.