HOSEA 13:10 - Susula Malalaok Hehelu Palak Ma Hehelu Beuk

¹⁰ Emi moke manek ma mauli-malangan, tehu besak ia, basa-basas lai bee? Ade ala bisa soi-tefa-la emi laum-mala do ta?

HOSEA 13:10 ပူးပေါင်းရင်းမြစ်များ

1RAJA-RAJA 12:20

Nai lelek basa laun Israel-la lamanene lae Yerobeam fali ma'in neme Masir mai so, boema ala laloon leo buaok esa neu, de ala so'un da'di mane Israel. Ka'da leo Yehuda laun-na mesa kasa nde lilineka lahele Dauk tititi-nonosin-nala.

2RAJA-RAJA 17:4

Tehu nai faik esa boema, Hosea nadenu hataholi neu leo So, fo mane Masir-ra neu, fo noke tutulu-fafalin. Boema, Hosea ta bae bea, tunga teuk leo Asyur neu so'on. Lelek Salmaneser bubuluk, Hosea tatao-nono'in ndia boema, ana ho'un-na Hosea, de ana taon leo bui dale neu.

MAZMUR 10:16

Manetualain paleta losa dodoon-na; leoina fo, ta lalelak-kana fa, neukose mopok-kasa leme, Manetualain daen-na mai.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

MAZMUR 74:12

Ou Manetualain, neme makasososan mai-a, au maneng-nga nde O, O nde soi-tefa-mala ami-a.

MAZMUR 89:18

O fe ami sesengik matuaina, hu kande O dale malolem-ma, de ami sengi.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 43:15

Hai Israel, Au nde Manetualain, o Manetualaim fo malalao-malalafuk, o Manem, fo manamakadada'dik o-a!”

YEREMIA 2:28

Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

HOSEA 10:3

Ta dook-ka so'on te, neukose lafa'da lae, “Ita manen ta, nana ita ta bii-tamata'u neu Manetualain fa. Manek esa, sosoa-ndandaan beek ba'eneu ita?”

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

HOSEA 7:7

No nasamelu mangalaun-nala, ala taolisa sila mauli-malangan-nala. Ala taolisa basa manek-kala bee iko. Tehu leomae ha'da-tataok-ka da'di mangalauk leondiak so, te ta hapu hataholi esa boen, hule-haladoi neu Au, fo noke tutulu-fafalik fa.”

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

SEMUEL SUSULAK-KA ESAN-NA 8:7

de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.