HOSEA 13:1 - Susula Malalaok Hehelu Palak Ma Hehelu Beuk

¹ Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.

HOSEA 13:1 ပူးပေါင်းရင်းမြစ်များ

KEJADIAN 2:17

ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”

1RAJA-RAJA 12:25

Lelek Yerobeam da'di mane Israel boema, ana tao natetea-nahehele kota Sikhem fo nai letelepak Efraim-ma, boema ana leo lalai nai naa. Basa boema ana la'o seluk neme ndia mai, de ana tao natetea-nahehele kota Pnuel-la.

AYUB 29:21

Metema, au fe nanoli-nafa'dak soona, hataholi-la bedenge; Lamanene besa-besa loo, au dede'a-kokolang lala'en-na.

AYUB 29:22

Au kokolak basa soona, ta paluu hataholi popo-tama kokolak so'on; dede'a-kokolak ana susi faa-faa, sama leo u'dan-a ti'ti faa-faa.

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 7:8

nanahu Siria balakain-na, ta lena neme Damsyik fo Aram nusan-na polon-na, ma Damsyik balakain-na, ta lena neme Manek Rezin-na mai fa. Te se'kona nai teuk neehulu lima dalen-na, neukose Israel heaba'en, nalosa ana ta hapu nakatatakak da'di leo leoina so'on.

HOSEA 11:2

Tehu, Au boetai aloo Au anang ndia ana boetai nadook aon-na neme Au mai. Ana ho'i neni tutunu-hohotuk ma ana tunu boomenik, soaneu Baal-la, ma lamatua daebafak fe'ek-kala.

HOSEA 2:10

Neukose, Au o'du akaholak-kana, nai basa tou susuen-nala matan. Ta hapu sila hataholin esa boen, bisa soi-po'in neme Au koasang-nga mai fa.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

BILANGAN 10:22

Basa boema, leo Efraim-ma solda'dun-nala tunga, de bubuak esa basa soona, bubuak esa tunga; Amihud anan Elisama, nauli-nalanga leo Efraim-ma,

BILANGAN 13:16

Hataholi sila-la nde, manamakuk fo Musa nadenus leu maku besa-besa loo nusak ndia. Musa nggati heni Hosea, fo Nun anan-na na'den-na, de na'de Yosua.

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

ROMA 5:12

Hu ka nde hataholi esa tatao-nono'in de, sala-singo ka da'di nai daebafa ka. Boema neme sala-singok ndia mai de, mamate sa moli-da'di. Basa boema mamate sa nafeo basa hataholi daebafa ka lala'ena, nana basa hataholi daebafa ka masala-masingok mesa-mesan.

2 KORINTUS 5:14

Kristus susue-lalain nde koasa na ami a, nalosa ami bubuluk metema hataholi esa mate basa soaneu hataholi lala'ena soona, dede'ak ndia sosoa na nae, mate basa hataholi lala'ena so.

YOSUA 3:7

Manetualain nafa'da Yosua nae, “Mulai faik ia, neukose Au tao o da'di hataholi matua, nalosa basa hataholi Israel-la lala'en-na, fe ha'da-holomata neu o, ma ala lame'da, lae Au nai o boboam-ma, sama leo Au nai Musa boboan-na.

HAKIM-HAKIM 12:1

Nai lelek ndia, leo Efraim-ma naheheleaon fo natee-nata'ti, boema ala lena Lee Yarden-na, de leu leo Zafon leu. Lafa'da Yefta lae, “Tao le'e de, o muu mata'ti moo leoina Amon-na, te o ta leleko moo ami fa? Besak ia, neukose ami hotu heni o, ma o uma isim-mala.”

HAKIM-HAKIM 8:1

Hataholi Efraim-mala lafa'da Gideon lae, “Tao le'e de, o ta leleko ami, nai lelek o muu matee-mata'ti moo hataholi Midian-nala fa? Tao le'e de, o tao ami leondiak?” Lakamuu-muu Gideon lae leo ndia.

SEMUEL SUSULAK-KA ESAN-NA 15:17

Semuel nafa'da nae, “Ade, Ama Manek ta nde da'di mauli-malangan neu leo-leo Israel-la, leomae Ama Manek mafa'da mae Ama Manek ta kandaak fa. Manetualain hele basa Ama Manek da'di manek neu Israel so,