HOSEA 12:8 - Susula Malalaok Hehelu Palak Ma Hehelu Beuk

⁸ Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.

HOSEA 12:8 ပူးပေါင်းရင်းမြစ်များ

MAZMUR 49:6

Au tabii-amata'u nai lelek au nai toto'a-tataak-ka dalek, ma nai lelek musu mangalauk-ka nakahapi-na au.

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

AMSAL 11:1

Manetualain nahiik hataholi fo, ana pake tatais ta matetuk fa tehu nahiik hataholi fo, ana pake tatais matetuk.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

AMSAL 30:20

Inak fo, ana ta lilineka neu saotoun-na, eno tipu-dain nde ia: Ana sosoa-piao basa soona, na'a-ninu, fo lose bafan-na, fo basa soona nafa'da nae, “Au ta tao hata esa boen!”

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

YEREMIA 5:27

Sama leo hataholi manausi manupui-a, ana tao manupui leo manupui ndunuk dale neu, leondiak boe, sila tao bua-lo'a tipu-daik leo sila uman dale neu. Hu ndia de, ala da'di manakoasa, ma kamasu'ik,

YESKIAL 28:5

Memak o dangan malelak, de besak ia, o mamasu'i hatu-hatu so, de o su'i-betem ndia, ana tao-na o koao-ndaeao!’ ”

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

AMOS 8:5

Emi kokolak nai emi dalen dale mae, “Fai malole bula moli beuk ndia doon-na seli. Ita hii tase'o seluk ita gandum-mala no lai-laik, tehu fai malole ndia ta nau basa fan. Fai hi'da fo besak-ka fai Sabat-ta nate'e, fo daenga ita mulai tase'o seluk? Ita tahiik tan seli no eno ke'di-ndiuk, tipu-dai tenik uuku-dodouk, ma ata ke'di-ndiu hataholi nenik tatais.

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

ZAKHARIA 11:5

Hataholi manaasak-kala, do'do bi'ilopo sila-la, te ala ta hapu huhukuk fa. Hataholi fo lase'o bi'ilopo sila-la paan-na, lafa'da lae, ‘Koa-kio Manetualain leona! Besak ia, ita boetai tamasu'i!’ Manafoo sila-la, dalen-nala ta tu'da kasian neu sila bi'ilopon-nala fa.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

MALEAKHI 3:13

Manetualain nafa'da nae, “Emi dede'a-kokolam, tete'ek-ka nakamumulu-nakamamaek Au.” “Tehu emi matane mae, ‘Ami kokolak beek la'eneu O?’

LUKAS 10:29

Tehu mese agama ndia nau tao namandoo aoina na, hu ndia de natane nae, “See ka nde au nonoo hataholing ndia?”

LUKAS 12:19

Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

LUKAS 16:13

Ta hapu hataholi esa boen fo naue-nale'di soaneu tuan dua fa, nana neukose ana sue-lai esa lenaheni esa ka mai, do neukose ana lilineka neu tuan esa lenaheni esa ka mai. Leondiak boe no emi. Emi ta hapu maue-male'di soaneu Manetualain, ma soaneu su'i-betes boen.”

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

NINITAK 3:17

Emi mafa'da mae, ami kamasu'ik ma basa-basan manadaik. Da'di ami ta kulang hata-hata fa. Tehu emi ta bubuluk fa te, emi maleu-malaak manseli ma emi ha'da-tataom susa nanseli! Emi nuu ta-hata tak, makaholak, ma pokek.