HOSEA 12:4 - Susula Malalaok Hehelu Palak Ma Hehelu Beuk

⁴ Lelek nai inan tein dale, Yakob fo sila bei-ba'i kain-na, tipu-dai tolanoo takalapan Esau baba'en-na. Lamatua boema, Yakob naho'uk no Manetualain.

HOSEA 12:4 ပူးပေါင်းရင်းမြစ်များ

KEJADIAN 25:26

Lelek fo bongi ana ka dua mai te, liman-na ho'u Esau eitingan-na. Hu ndia de, foin na'de Yakob. Nai lelek Isak teun neehulu, boema bongi duas.

KEJADIAN 32:24

Tehu elan mesak-kana neme ndia. Boema touk esa mai, de naho'uk no Yakob, losa lolebalahaak.

KEJADIAN 32:25

Lelek hataholi ndia name'da, nae neukose ndia kala nai naho'uk ndia dalek boema, ana fepan neu Yakob kale'bon-na, de nalosa kosikheni dui kale'bon-na.

KEJADIAN 32:26

Boema, hataholi ndia nae, “Po'i au; te ba'ihanak seluk faa bai te, le'do-a tii.” Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”

KEJADIAN 32:29

Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.

KEJADIAN 35:15

Ana foi mamanak ndia na'de “Betel.”

KEJADIAN 48:15

Basa ndia boema, ana fe Yusuf baba'e-papalak, nae, “Manetualain, Ndia nde Amak, fo Abraham ma Isak lamahelen, Ndia nde hela-nole au losa besak ia;

MAZMUR 66:6

Ana tao nasafali tasi da'di dae ma'dak, de ami bei-ba'i kaim-mala la'o eik leo selik leu. Hu ndia de, ami mamahoko-setelee, nanahu tatao-nono'in.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

1 TESALONIKA 4:17

Basa ndia soona, ita bei maso'dak nai faik ndia, ita sama-sama to hataholi sila la fo, teu tatongo to Lamatua ka nai ko'as lain nai lalai, fo ita leo to Lamatua ka, losa dodoo na.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.