HOSEA 12:13 - Susula Malalaok Hehelu Palak Ma Hehelu Beuk

¹³ Yakob fo ita bei-ba'i kain-na, nalai leo Mesopotamia neu, boema soaneu hapu saoinak, de ana da'di ata neu hataholi manai naa-la, ma ana foo hataholi ndia bi'ilopon-nala.

HOSEA 12:13 ပူးပေါင်းရင်းမြစ်များ

KEJADIAN 28:2

Muu leo o ba'im Betuel teidalen-nala nai Mesopotamia muu, fo saom-ma, o to'om Laban anafe'on esa.

KEJADIAN 29:20

Boema, Yakob naue-nale'di teuk hitu dalen-na, fo ana sao Rahel, nana ba'eneun teu-teuk sila-la sapu-lalo, sama leo faik de'ubee mesan, nanahu susue ina anafe'on-na neu Rahel.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 14:19

Boema, Manetualain ata nusa so'dan manai solda'du Israel-la uluk-ka, ana lali leo dea neu. Ma dii ko'as-sa boeo, ana lali de ana losa

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

ULANGAN 26:5

Basa soona, o muse kokolak dede'ak ia-la, nai emi Manetualaim-ma matan-na mae, ‘Ou Manetualain, au bei ba'i kaing-ngala nde been-na, hataholi Aram fo, manamaleu-malaak-kala. Ana no teidalen-nala, leu leo nai Masir, da'di leo hataholi manamai. Lelek, fo ala leo naa leu-a, ka'da sila hataholi de'ubee, tehu ala da'di leoina matuaina, ma mabe'i-balakaik.

SEMUEL SUSULAK-KA ESAN-NA 12:8

Lelek Yakob no teidalen-nala mai lo Masir mai, ma hataholi Masir-ra tuni-ndenis-sala, emi bei-ba'i kaim-mala dokodoe tutulu-fafalik neu Manetualain, boema Manetualain nadenu Musa no Harun. Hataholi ka duak sila-la loo emi bei-ba'i kaim-mala kalua leme Masir mai, de ala tulu-falis fo ala leo lahele nai nusak ia.