HOSEA 11:9 - Susula Malalaok Hehelu Palak Ma Hehelu Beuk

⁹ Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

HOSEA 11:9 ပူးပေါင်းရင်းမြစ်များ

2 SEMUEL 20:10

Amasa ta nita tafaina nai Yoab lima kiin-na fa. No kaiboik, Yoab pau tafaina ndia neu Amasa tein-na, nalosa tein-na poka leo deak mai. Maten nai hatematak ndia boe, de Yoab ta paluu pau seluk-kana so'on. Boema Yoab no fa'din Abisai, usi lakandoo Seba.

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 85:4

O ta mamanasas so'on; O hela falik, O nasa-melum matuainam-ma.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 48:9

Au akatatakak Au nasa-melung, fo ela Au na'deng-nga nanakoa-kiok. Au akatatakak-kana, ba'eneu o, fo ela, o ta nanatao namate-namopok fa.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

ULANGAN 13:17

Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

SEMUEL SUSULAK-KA ESAN-NA 26:8

Boema Abisai nafa'da Dauk nae, “Nai le'odaek ia, Manetualain fe basa o musum-ma neu o so. Fe au loak, fo au ho'i-a teen-na, fo au pau seluk-kana neu aon-na, fo ana tola losa dae lain, au pau isan nenik ka'da paun la'i esa, fo ta paluu la'i dua so'on!”