HOSEA 11:8 - Susula Malalaok Hehelu Palak Ma Hehelu Beuk

⁸ Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

HOSEA 11:8 ပူးပေါင်းရင်းမြစ်များ

KEJADIAN 14:8

Basa boema, manek-kala leme Sodom, Gomora, Adma, Zeboim ma Bela mai, de ala ito-ato sila solda'dun-nala, fo lapadedeik lakadadalak lai Bafak Sidim-ma, boema latee-lata'ti

2 SEMUEL 24:16

Boema, Manetualain ata nusa so'dan maneni mamates ndia, ana losa nai Arauna, fo hataholi Yebus ndia, mamana po'de gandum-ma so. Lelek Manetualain nita ata nusa so'dak ndia naheheleaon basa, fo ana tao namopo-namate Yerusalem boema, Manetualain dodoo nasafali seluk nakeketun-na, de Ana hahae huku leoina ndia. Nafa'da ata nusa so'dak ndia nae, “Dai so! Mate'e leona!”

1RAJA-RAJA 3:26

Lamanene dede'ak ndia boema, ni'iana ndia ina bongin-na nae, “Au oke do'o do ampon, Ama Manek, boso taomisa ni'iana ndia. Ka'da fen leo ndia neu.” Inak ndia kokolak nae leondia nanahu ana sue mangalau anan-na. Tehu inak esa ka nafa'da nae, “Hei, ka'da tatin, leon na fo ita dua, esa boso hapun boe!”

2RAJA-RAJA 13:23

Tehu, Manetualain dalen-na, tu'da kasian neu anan-nala, de Ana fe do'o do ampon neus. Ana ta nau po'ilotak-kasa nanatao namopo-namatek fa, de Ana tulu-falis, hu kande hehelu-balataan no Abraham, Isak ma Yakob. Losa besak ia, ta nafandele heni anan-nala la'iesa boen.

2TAWARIKH 36:15

Amak fo sila bei-ba'i kain Manetualain-na, fali-fali Ana haitua nabi-nala soaneu fe nasanene'dak neu anan-nala, nanahu Ana sue-lai sila ma Ana sue-lai Uman-na.

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

YESAYA 16:11

Au daleng-nga he'dis-sa ma nakalulutuk, mete Moab ma Kir-Heres so'dan-na.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YEREMIA 18:8

boema leoina ndia tuka tei-sale dale neme ndia sala-singon-nala mai soona neukose Au pe'da tataak Au dudu'ang ndia.

YEREMIA 3:12

Manetualain nadenu au u, fo afa'da dede'ak ia neu Israel nae: “Hei Israel, fo ta mana lilinekak-konei, fali ma'im-ma, leo Au mai leona! Au daleng-nga henuk no susue-lalaik, de neukose Au ta amanasa o losa dodoon-na fa.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 42:10

‘Metema emi nau leo mahele nai nusak ia soona, neukose Au so'uk emi, te Au ta tao atu'da emifa; neukose Au tao akatetetuk emi, te Au ta tao atu'u emi fa. Au daleng-nga he'dis-sa nanahu, Au tao basa susa-soe neu emi so.

YEREMIA 9:7

Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

RATAPAN 3:33

Dalen-na ta losa soaneu po'ilotak ita doi-doso ma dale he'di fa.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

HOSEA 6:4

Tehu Manetualain nafa'da nae, “Hai hataholi Israel, ma hataholi Yehuda-la lemin! Au muse tao emi le'e? Emi susuem neu Au-a, mopon no lai-laik, sama leo ko'a makamamasuk-ka, do dinis-sa nai fai fafain-na.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

AMOS 7:3

Manetualain dodoo nasafali dale tutu'un-na, de nafa'da nae, “Hata fo o mitak ndia, neukose ana ta da'di fa.”

AMOS 7:6

Manetualain dodoo nasafali dale tutu'un-na seluk, de nafa'da nae, “Ia boeo, neukose ta da'di fa.”

MIKHA 5:3

Metema manakoasa ndia mai soona, neukose Ana koasa anan-nala nenik be'i-balakaik ma koasa neme Manetualain, fo Ndia Manetualain-na mai. Neukose anan-nala laso'da no nee-nee lino-linok, nanahu basa hataholi manai daebafak-ka lala'en-na, neukose manaku matua-mademan,

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

ULANGAN 29:22

Nai fai makabuin te, emi tititi-nonosim, ma hataholi nusa dea-la leme nusa dook mai, neukose ala lita Manetualain fe susa-soe ma doidosok-ka, ana tuni-ndeni-na, emi nusam-ma.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

2 PETRUS 2:6

Dede'a na sama no kota Sodo ma no Gamora: Manetualain hotu heni kota sila ninik ha'i, fo ela ana da'di natutu'duk la'eneu hata fo neukose ana da'di neu hataholi mangalau kala.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.

NINITAK 18:18

ma nggasi nai lelek lita ha'imasu ka namasu neme ha'i fo mana'a kota ndia. Lalo bebou lae, “Beita hapu kota fe'ek sama leo kota matuaina ia fa!”

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.