HOSEA 11:6 - Susula Malalaok Hehelu Palak Ma Hehelu Beuk

⁶ Natee-nata'tik-ka, neukose lua da'pa-da'pa losa leo sila kotan dale neu, neukose tao lalutu lelesuina-la, ma Au anang-ngala nanatao namopo-namatek. Dede'ak ndia ana da'di, nanahu ala tunga sila hihii-nanau mesan-nala,

HOSEA 11:6 ပူးပေါင်းရင်းမြစ်များ

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

MAZMUR 106:43

Manetualain soi-po'is la'i ba'uk-ka, tehu ala nau ka'da la'ban Manetualain paletan-na, nalosa mopo-mates lai sala-singon-nala dalek.

YESAYA 18:5

Beita losa fai aiboak-ka fa, lelek bunan-na kono so, ma angol-la boan-na beita namalatu nai huun-na fa, neukose musu tao nakalulutuk Sudan, mu'dak la'iesak-kana sama leo dope ke'diheni angol ndanak-kala, leme angol-la huun-na mai.

YESAYA 27:10

Kota makota musu ndia, ana da'di nee-nee lino-linok so, ma nanala'o elak, sama leo moo maloa louk-ka. Bana-manu bubuak-kala, la'a na'u ma ala hahae lai ndia, boema la'aheni la'iesak ai ndanak-kala doon-nala.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YESAYA 9:14

Langan-na nde hataholi-lasik-kala, ma hataholi nanafe ha'da-holomatak-ka, ikon-na nde basa nabi fo lanoli nanoli matofa-matalak.

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YEREMIA 50:35

Manetualain nafa'da nae, “Fe susa-soe neu Babel no laun-nala, manaho'u paleta-la ma hataholi malelan-nala!

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YESKIAL 20:47

Madenu nula sila-la, fo lamanene hata fo Au, Manetualain Fo Mademaina, nafa'das nae, ‘Mamanene leona! Neukose Au tao apila ha'i-a, fo ana hotuheni basa ai manai o dalek kala, nai ai tuuk do ai mamatak boe. Ta hapu taonisa ha'i manapila lo'a-lo'ak ndia fa. Neukose ha'i ndia, ana pila nasalolo'de neme kona leo kii neu, fo basa hataholi-la lame'da ha'i ndia haan-na

HOSEA 10:14

soona neukose emi laum-mala lasasale matak loo natee-natatik-ka, ma neukose emi kota musum-mala, nanatao nakalulutuk. Dada'din-na, neukose sama leo nai faik fo mane Salman-na, tao nakalulutuk kota Bet-Arbel-la nai natee-natatik dale, ma ana lolenisa inak-kala sama-sama loo anan-nala.

HOSEA 10:6

Neukose, ala ko'o leni sosongo-tatangok ndia leo Asyur neu, fo ala fe hiik-kana neu mane matua. Israel tunga dale tutu'uk, fo manatao-nalas hapu mamaek ma nakamumulu-nakamamaek ndia.

HOSEA 4:16

Hai hataholi Israel-la lemin, emi langa batu manseli! Tao leo bee fo Au bisa foo emi, sama leo bi'ilopo-a nai moo mana'uk-ka?”

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

ULANGAN 28:52

Neukose, ala sapu-la basa kota manai nusak fo, emi Manetualaim-ma fen neu emi ndia, nalosa ala tao lakalulutuk papala nanadamak mademaina fo, emi mamahenak sila-la.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.