HOSEA 11:4 - Susula Malalaok Hehelu Palak Ma Hehelu Beuk

⁴ No basa Au suse-lalaing lala'en-na, Au fen deka no Au. Au lui amada'u basa doi-doson lala'en-na, ma no Au dale maloleng-nga, Au fen na'a.

HOSEA 11:4 ပူးပေါင်းရင်းမြစ်များ

2 SEMUEL 7:14

Neukose, Au da'di ndia aman, ma ndia da'di Au anamaneng. Metema ana tao salak soona, neukose Au hukun, sama leo amak esa, ana huku anan-na.

MAZMUR 105:40

Ala loke boema, Ana fes manupui kukuhaak, ana fes loti neme nusa so'dak-ka mai, de la'a losa lakabete.

KELUARAN 16:32

Musa nae, “Manetualain nadenu ita, fo ata ho'i-tala manna, fafa'kama kilo dua, fo ata pe'dan soaneu ita tititi-nonosin, fo ela ala lita nana'ak fo Manetualain fen neu ita nai moo solokaek-ka, nai lelek no ita kalua teme Masir mai.”

KIDUNG AGUNG 1:4

Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

IMAMAT 26:13

Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

2 KORINTUS 5:14

Kristus susue-lalain nde koasa na ami a, nalosa ami bubuluk metema hataholi esa mate basa soaneu hataholi lala'ena soona, dede'ak ndia sosoa na nae, mate basa hataholi lala'ena so.

ULANGAN 32:12

Manetualain hela-nole anan-nala leondiak, ta hapu lamatua daebafak fe'ek sama-sama no fan.

ULANGAN 32:14

Ala hapu kapaoe makadotok neme sila sapin-nala, bi'ihiin-nala ma sila bi'ilopon-nala mai; sila bana-manun nde maao-la sila gandum ma angol-la nde malole nanseli.