HOSEA 10:8 - Susula Malalaok Hehelu Palak Ma Hehelu Beuk

⁸ Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

HOSEA 10:8 ပူးပေါင်းရင်းမြစ်များ

KEJADIAN 3:8

Le'donosok ndia, ala lamanene Manetualain la'o-la'o nai osi dale, boema duas leu ke'ke nai ai-la tala'da, fo ela Manetualain boso nitas.

1RAJA-RAJA 13:2

No Manetualain paleta-na, de nabi ndia naloo bou-bou neu mei tunu-hotuk ndia nae, “Hai mei tunu-hotuk, hai mei tunu-hotuk-ka nei! Manetualain nafa'da nae leoia, ‘Ni'iana esa neukose nanafoik na'de Yosia, neukose bongin nai Dauk teidalen-na dalek. Nai o lain, hai mei tunu-hotuk-ka nei, neukose ana taonisa imam-imam fo lalalau-laoono lai mamana hule-haladoik-kala neu lamatua daebafak-ka, ma manafe basa tutunu-hohotuk nai o lain so boe. Ma nai o lain boe, neukose ana hotu hataholi daebafak-ka dui nala.’ ”

1RAJA-RAJA 13:34

Tatao-nono'i mangalaun ndia tao na tititi-nonosin hapu soe ma lakalulutuk la'iesa kasa.

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

2RAJA-RAJA 23:15

Yosia boeo, ana tao nalutu mamana sene-do'ok manai Betel-la. Mane Yerobeam, fo Nebat anan-na, nde napadedeik-kana-manek fo, manataon-na hataholi Israel-la lasala-lasingo so. Boema, Yosia tao naba'e mei tunu-hotuk, fo mamana sene-do'ok ndia, de ana hotu henin, sama-sama no lamatua daebafa inak Asyera, dodoki-dudulan, neme ndia.

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

YESAYA 2:19

Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

YESAYA 32:13

nana makatemak ma makatema dila-nggauk-ka, ala moli lai Au leoinang-nga daen dale. Hei, kii-makaleleu emi umam fo, hataholi-la mamana namahoko-seteleen-na, ma kota fo, henuk no makalupu-makaseek-ka!

YESAYA 34:13

Uma sosongon-nala ma kota-kotan fo lanuu kota musu, neukose makatema dila nggauk, ma na'u-la, moli lai dalek, ma busa fuik, manupui onta-la, ala leo lai dalek.

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 10:9

Manetualain nafa'da nae, “Lelek manada'dik manai Gibea, hataholi Israel-la boeo, beita hahae tao sala-singok la'ban Au fa. Hu ndia de, nai Gibea boeo, neukose natee-natatik tuni-nalas.

HOSEA 2:6

Hu ndia de, neukose Au longan nenik makatema nggauk, ma kena enon-na nenik pa'a nanadamak.

HOSEA 4:13

Emi tunu-hotu tutunu-hohotuk nai mamana sosongo-tatangok manai pupukuk-kala, ma letek-kala poin-na, ma emi tunu boomenik nai ai matuaina manaleloakak manai naa-la huun-na, nanahu mamanak ndia sa'on-na malole. Tehu, mate'en-na beek da'di? Emi anafe'oanam-mala, ala da'di manasosoa-piaok, ma emi manafeu inam-mala hohonge!

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

HOSEA 5:8

Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

HOSEA 8:5

Au ta ahiik anseli neu sapi lilopilas fo kota Samaria laun-nala sene-do'ok-ka fa. Au amanasas nanseli. Neukose losa faihi'da, ala tao langgenggeo aoinan-nala tataas esa, nenik ala sene-do'ok neu sosongo-tatangok-ka?

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

AMOS 1:5

Neukose Au tao alutu Damsyik lelesuinan-nala, ma neukose Au sapu balisi Bafak Awen laun-nala, neme mamana leleon-nala mai. Neukose Au akona heni hataholi manakoasa manai Bet-Eden-nala leme kandela manen-nala lain mai, ma neukose Siria laun-nala nanafook, fo loos leo nusa Kir-ra neu.”

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 7:9

Neukose Au tao akalulutuk la'iesak mamanak fo Isak tititi-nonosin paken soaneu sene-do'ok nai ndia. Neukose Au tao atu'u hataholi Israel-la mamana malalao-malalafun-nala. Neukose Au tao amopo-amate Mane Yerobeam-ma tititi-nonosin.”

AMOS 8:14

Hataholi fo ana soo-supa nenik Samaria sosongo-tatangon no nafa'da nae, ‘No leoina Dan-na lamatua daebafan-na na'den-na’, do ‘no Bersyeba lamatua daebafan-na, na'den-na’. Soona neukose ana tu'u neu, fo ana ta fo'a so'on.”

MIKHA 1:13

Emi fo laun Lakhis-sala, pa'a ndala neu kaleta natee-natatik-ka leona! Emi na'da-ma Israel tao sala-singok-ka, nalosa ana tao-na Yerusalem nasala-nasingo boe.

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

NAHUM 3:11

Hai Niniwe, neukose o boeo sapala'o, nanahu mamafuk-ka. Neukose o boeo sanga enok, fo daenga o mala o musum-mala deak.

LUKAS 23:30

Nai lelek ndia nde neukose hataholi a nafa'da lete kala nae, ‘Mapaluni ma ami leona!’ Ma neu pupuku kala lae, ‘Mapaluni mala ami leona!’

ULANGAN 9:21

Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.

NINITAK 6:16

Lalo neu lete kala ma batu sila la lae, “Mapaluni ma ami leona! Mafuni ami neme Ndia fo nangatuuk nai kandela manek lain mata na ma neme Bi'ilopo Ana ndia nasa-melun mai!

NINITAK 9:6

Nai bula kalimak sila la dalek, hataholi sila la sanga enok fo mate, tehu ala ta bisa mate fa. Ala hii mate, tehu mamate sa doo ka neme sila mai.