HOSEA 10:14 - Susula Malalaok Hehelu Palak Ma Hehelu Beuk

¹⁴ soona neukose emi laum-mala lasasale matak loo natee-natatik-ka, ma neukose emi kota musum-mala, nanatao nakalulutuk. Dada'din-na, neukose sama leo nai faik fo mane Salman-na, tao nakalulutuk kota Bet-Arbel-la nai natee-natatik dale, ma ana lolenisa inak-kala sama-sama loo anan-nala.

HOSEA 10:14 ပူးပေါင်းရင်းမြစ်များ

KEJADIAN 32:11

Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

2RAJA-RAJA 17:3

Salmaneser, fo Asyur manen-na, natee-nata'ti non, de ana sengin, nalosa tunga teuk, ana muse bae bea leo mane Asyur-ra neu.

2RAJA-RAJA 18:33

Ade, leoina fe'ek-kala, lamatua daebafan-na, soi-tefa nita nusan-na neme au koasang-nga mai so do beik?

YESAYA 17:3

Neukose mopo Israel manamasulu-mahapan, ma mopo Damsyik koasan-na. Hataholi Siria fo bei elak-kala, neukose laso'da lai nakamumulu-nakamamaek-ka dalek, sama leo hataholi Israel-la. Manetualain Fo Manakoasa nde manakokolak-ka.”

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

HOSEA 10:15

Hai laun Betel-la lemin, ndia nde neukose, ana da'di la'e emi, nanahu emi tao-no'i basa tatao-nono'i mangalauk matuaina so. Nai lelek dulufula, fo lelek natee-natatik-ka mulai tutika, neukose mate emi manem-ma.”

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.

NAHUM 3:12

Basa o kota musum lala'en-na, neukose da'dileo ai kaak-ka, henuk no ai boa latuk. Metema nggenggengok huun-na soona, neukose boan-na tu'da leo hataholi fo nahiik na'an-na, bafan dale neu.

HABAKUK 1:10

Ala hakinonoli mane-manek-kala ma ala hika hataholi mana'a ngga'di matua-madema-la. Ala heheta-aa'i solda'du-la kota musun-na, fo lakadofun nenik dae, boema ala loso-la solda'du-la kota musun ndia.