HOSEA 10:13 - Susula Malalaok Hehelu Palak Ma Hehelu Beuk

¹³ Tehu o ta tao tunga fan. O sele-nggali tatao-nono'i mangalauk-ka, de o ketu-kolu ta ndoos ma matetuk-ka fa. O mu'a basa, o masapepeko-masandandalim buna-boan so.” Manetualain nafa'da seluk nae, “Hai leoina Israel-la lemin, hu kande emi mamahena emi kaleta natee-nata'tim-mala, ma emi solda'du makadotom-mala,

HOSEA 10:13 ပူးပေါင်းရင်းမြစ်များ

AYUB 4:8

Tunga au mata memeteng-nga, soona hataholi manafoi-fala tina mangalauk-ka, fo ana sele-nggali bini-ngges susa-soe-a, da'di leo bubu'u-palusa de'en-na, soona, neukose ana ketu-kolu susa-soe, ma toto'a-tataak-ka!

MAZMUR 33:16

Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 12:19

Masapepeko-masandandalik-ka, neukose nanabubuluk nai hatematak esa mesak-kana tehu dede'a-kokolak ndoos-sa, neukose nahele losa dodoon-na.

AMSAL 13:2

Hataholi malole-a hala-kokolan, neni nanalak; hataholi fo, ana ta tao tunga ndoon-na fa, ana hii naseti-nalakak-ka.

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

AMSAL 22:8

Hataholi manasele-nggali peko-pakik-ka, ana ketu-kolu soe-a; mate'en-na, neukose mopok koasan fo, ana ho'i nakeketuk tunga dale hihii mesan-na ndia.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

YESAYA 17:11

Tehu leomae bubu'u-palusa sila-la, lanupu tutik, ma labuna nai faik fo o selen-nana, tehu neukose ta hapu buna-boan fa. Fo hapuk-ka nde ka'da, toto'a-tataak-ka ma name'da he'dis fo, ta hapu mopo fan.

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

HOSEA 7:3

Manetualain nafa'da nae, “Laun-na sanga enok, fo ala tao lamahoko manek-ka, ma manapaleta-la dalen-nala, nenik tipu-daik ma tatao-nono'i mangalauk.

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

SEMUEL SUSULAK-KA ESAN-NA 24:14

Ama Manek nalelak dede'a bini makahulun eli esa, nde ia nae, ‘Ka'da hataholi mangalauk-ka nde, tao tatao-nono'i mangalauk-ka.’ Hu ndia de, neukose atam-ma ta tao nahe'di Ama Manek fa.