HOSEA 1:6 - Susula Malalaok Hehelu Palak Ma Hehelu Beuk

⁶ Basa boema, au saoinang ndia, ana bongi ami ana ka dua-ma, ni'iana inaanak esa. Manetualain, nafa'da au nae, “Hosea, foi o anam ndia na'de ‘Fo Ta Nanasue-laik fa’, nanahu, neukose Au ta sue-lai leoina Israel-la so'on, ma neukose sila ta hapu do'o do ampon fa.

HOSEA 1:6 ပူးပေါင်းရင်းမြစ်များ

2RAJA-RAJA 17:20

boema Manetualain ta manaku basa hataholi Israel-la lala'en-na so'on. Ana hukus, ma ana fes leo sila musu-musun, fo ha'da hataholi taak-kala neu. Ana ta taoafik-kasa so'on, de Ana tu'u-tapa henis, neme Ana fes dae-a mai.

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

HOSEA 1:8

Lelek fina basa ami ana ka duam sila-la boema, au saoinang-nga nailu seluk, de ana bongi ana touanak esa.

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

HOSEA 2:4

Neukose, Au ta sue-lai emi, fo ndia anan-nala so'on, nanahu ina manasosoa-piaok-ka nde bongi emi.

AMOS 7:8

Boema natane au nae, “O mita beek, Amos?” Au ataa ae, “Tali uuku matetu lee-leek, Manetualain.” Boema Manetualain nafa'da nae, “Au pake tali uukuk ia, fo natu'du nae, Au anang-ngala sama leo papala-nanadamak matahik-ka. Neukose, Au ta dodoo asafali Au dale tutu'ung-nga so'on. Tao leo bee-o, neukose Au hukus.

AMOS 9:8

Au, Manetualain Fo Mademaina, Au mete besa-besa o nusa Israel fo masala-masingok ia, de neukose Au tao alas mopok-kasa leme daebafak-ka poin-na mai. Tehu Au ta tao amopo-amate basa Yakob tititi-nonosin-nala fa, Au fo Manetualain nde manakokolak-ka.

1 PETRUS 2:10

Makahulu na Manetualain hataholi kamahehelen ta emi fa, tehu besak ia emi da'di Manetualain hataholi kamahehelen so. Makahulu na Manetualain ta sue-lai emi fa, tehu besak ia, Ana sue-lai emi so.